ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ମହାନାୟକ ଅମିତାଭ ବଚ୍ଚନ ଓରଫ ବିଗ୍ ବି ଙ୍କର ଆଜି ଜନ୍ମ ଦିବସ । ୭୮ ବର୍ଷ ବୟସରେ ପାଦ ଥାପିଲେ ବିଗ୍ ବି । ଏହି ଅବସରରେ ବିଗ୍ ବି ଙ୍କ ଫ୍ୟାନ୍ସଙ୍କ ସମେତ ବଲିଉଡ ଜଗତରୁ ଆରମ୍ଭ କରି ଖେଳ, ରାଜନୀତି ଦୁନିଆର ବହୁତ ବଡ ବଡ ହସ୍ତି ତାଙ୍କୁ ଶୁଭେଚ୍ଛା ଜଣାଇଛନ୍ତି । ସେହିପରି ସୋସିଆଲ ମିଡିଆରେ ବି ଶୁଭେଚ୍ଛାର ଶୁଅ ଛୁଟିଛି । ସେପଟେ ବିଗ୍ ମଧ୍ୟ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି ।
ବିଗ୍ ତାଙ୍କର ଦମଦାର ଅଭିନୟ ପାଇଁ ଆଜି ତାଙ୍କ ଫ୍ୟାନ୍ସ ମାନଙ୍କ ହୃଦୟରେ ରାଜ କରୁଛନ୍ତି । ୧୯୪୨ ମସିହା ଅକ୍ଟୋବର ୧୧ ଉତ୍ତର ପ୍ରଦେଶର ଇଲାହାବାଦରେ ଅମିତାଭଙ୍କ ଜନ୍ମ ହୋଇଥିଲା । ତାଙ୍କ ପିତା ହରିବଂଶ ରାୟ ବଚ୍ଚନ ଜଣେ ପ୍ରସିଦ୍ଧ କବି ଥିଲେ । ଛୋଟ ବେଳୁ ଅମିତାଭ ସ୍ୱପ୍ନ ଥିଲା ଜଣେ ଇଂଜିନିୟମ ବା ଏୟାରଫୋର୍ସ ହେବେ । କିନ୍ତୁ ଭାଗ୍ୟ ତାଙ୍କୁ ଫିଲ୍ମ ଇଣ୍ଡଷ୍ଟ୍ରୀରେ ପହଁଚାଇ ଦେଇଥିଲା । ଏବେ ସେ ବଲିଉଡର ଜଣେ ସଫଳ ବର୍ଷିୟାନ ଅଭିନେତା ।
