ନୂଆଦିଲ୍ଲୀ (ଏଟିଆର ବ୍ୟୁରୋ): ଆଫଗାନିସ୍ତାନରେ ହେଲିକପ୍ଟର ଦୁର୍ଘଟଣାଗ୍ରସ୍ତ । ମଙ୍ଗଳବାର ଦକ୍ଷୀଣ ହେଲମନ୍ଦ ର ନବା ଜିଲ୍ଲାରେ ଆଫଗାନ ବାୟୁସେନାର ଦୁଇଟି ହେଲିକପ୍ଟର ମଧ୍ୟରେ ଧକ୍କା ହୋଇଛି । ଏଥିରେ ପାଖାପାଖି ୧୫ ଜଣଙ୍କ ମୃତ୍ୟୁ ହୋଇଥିବା ସୂଚନା ରହିଛି ।
ଟୋଲେ ନ୍ୟୁଜ୍ ରିପୋର୍ଟ ଅନୁସାରେ , ହେଲେକପ୍ଟର ଦ୍ୱାରା କମାଣ୍ଡରଙ୍କୁ ଏକ ସ୍ଥାନରେ ଓହ୍ଲା ଯାଉଥିଲା । ସେହି ସମୟରେ ଦୁଇ ହେଲିକପ୍ଟର ମଧ୍ୟରେ ଧକ୍କା ହୋଇଥିଲା । ଏହି ଦୁର୍ଘଟଣାରେ ଘଟଣାସ୍ଥଳରେ ଆଠ ଜଣଙ୍କର ମୃତ୍ୟୁ ହୋଇଯାଇଥିଲା ।
ମାତ୍ର ଏପର୍ଯ୍ୟନ୍ତ ଆଫଗାନିସ୍ତାନର ରକ୍ଷା ମନ୍ତ୍ରାଳୟ ପକ୍ଷରୁ ଦୁର୍ଘଟଣାକୁ ନେଇ କୌଣସି ଟିପ୍ପଣୀ ଆସିନାହିଁ । ସେପଟେ ପ୍ରାନ୍ତିୟ ଗଭର୍ଣ୍ଣରର ପ୍ରବକ୍ତା ଓମର ଜବାକ ନୱା ଜିଲ୍ଲାରେ ଦୁର୍ଘଟଣାର ପୃଷ୍ଟି କରିଛନ୍ତି କିନ୍ତୁ ଏନେଇ କୌଣସି ଅଧିକ ସୂଚନା ମିଳିପାରି ନାହିଁ ।
