ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟି ପ୍ରାୟ ସବୁ ପର୍ବକୁ ପାଳନ କରନ୍ତିି । ସେହି ପରି ସେ ନବରାତ୍ରୀ ମଧ୍ୟ ପାଳନ କରି ଆସୁଛନ୍ତି । ଆଜି ଯେହତେୁ ମା’ଙ୍କର ନବମୀ ସେ ଆଜି କନ୍ୟା ପୂଜନ କରିଛନ୍ତି । କେବଳ ଏତିକି ନୁହେଁ ପିଲାମାନଙ୍କୁ ସେ ନିଜ ହାତରେ ଖାଦ୍ୟ ମଧ୍ୟ ପରଷିଛନ୍ତି। ଏହାର ଏକ ଭିଡ଼ିଓକୁ ମଧ୍ୟ ଶିଳ୍ପା ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି। ଏହା ସହ ସେ ଏହାକୁ ତାଙ୍କ ଟ୍ବିଟ୍ ପେଜରେ ସେୟାର କରିଛନ୍ତି। ତେବେ ଏବେ ଏହି ଭିଡ଼ିଓ ଖୁବ ଭାଇରାଲ ହେଉଛି।
ଭିଡ଼ିଓରେ ଦେଖିବାକୁ ମିଳୁଛି ସେ ସବା ପ୍ରଥମେ ନିଜ ଝିଅ ସମୀସା ପାଦରେ ଚନ୍ଦନ ଲଗାଉଛନ୍ତି। ଏହା ପରେ ଶିଳ୍ପା ନିମନ୍ତ୍ରଣ କରିଥିବା ୮ଜଣ ଅନ୍ୟ କନ୍ୟାଙ୍କ ପାଦ ଧୋଉଛନ୍ତି। ଏହା ସହ ସେ ସବୁ ଝିଅଙ୍କ ଆରତୀ କରି ଖାଦ୍ୟ ପରଷୁଛନ୍ତି। କରୋନାର ସମସ୍ତ ନିୟମ ଭିତରେ ଏହାକୁ ପାଳନ କରିଥିବା ସେ ଟ୍ୱିଟ୍ରେ ପୋଷ୍ଟ କହିଛନ୍ତି। ଦୁଇ ଘଣ୍ଟାରେ ଏ ଭିଡିଓକୁ ଦୁଇ ଲକ୍ଷରୁ ଅଧିକ ଲୋକ ଦେଖିସାରିଲେଣି। ଶିଳ୍ପାଙ୍କ କନ୍ୟା ପୂଜାକୁ ସମସ୍ତେ ବେଶ ପ୍ରଶଂସା କରୁଛନ୍ତି ।
ସୂଚନା ଅନୁସାରେ ଶିଳ୍ପା ‘ହଙ୍ଗାମା ୨’ ଓ ନିକ୍କମା’ ଜରିଆରେ ପୁଣି ଥରେ ବଡ଼ ପରଦାରେ ନଜର ଆସିବେ। ହଙ୍ଗାମା ୨ର ଫାଷ୍ଟଲୁକ ପୋଷ୍ଟର ମଧ୍ୟ ରିଲିଜ ହୋଇସାରିଛି। ଫିଲ୍ମ ବ୍ୟତୀତ ଶିଳ୍ପା ସୋସିଆଲ ମିଡ଼ିଆରେ ବେଶ ଆକ୍ଟିଭ ରହନ୍ତି। ସେ ସାଧାରଣତଃ ଫିଟନେସ ସହ ଜଡ଼ିତ ଟିପ୍ସ ସାମାଜିକ ଗଣମାଧ୍ୟମରେ ସେୟାର କରିଥାନ୍ତି। ସେ ଭଲ ଭଲ ଡାଏଟ ଫୁଡ ନିଜ ହାତରେ ରୋଷେଇ କରି ତାଙ୍କ ୟୁଟ୍ୟୁବ ଚ୍ୟାନେଲରେ ସେୟାର କରନ୍ତି ।
