ମୁମ୍ବାଇ(ଏଟିଆର ବ୍ୟୁରୋ) : ଅଭିନେତା ବରୁନ ଧାୱନ ଓ ସାରା ଅଲ୍ଲୀଙ୍କ ବହୁ ପ୍ରତୀକ୍ଷିତ ଚଳଚିତ୍ର କୁଲି ନଂ ୧ ରିଲିଜ ହୋଇସାରିଛି । ଏବଂ ଆମାଜନ ପ୍ରାଇମରେ ଏହାର ଅନଲାଇନ ଷ୍ଟ୍ରିମିଂ ଆରମ୍ଭ ହୋଇସାରିଛି । ଏହି ଚଳଚିତ୍ରଟି ଡେଭିଡ୍ ଧାୱନଙ୍କ ଦ୍ୱାରା ନିର୍ଦ୍ଦେଶିତ ଅଟେ । ଏହି ଚଳଚିତ୍ରଟି କରିସ୍ମା କପୁର ଓ ଗୋବିନ୍ଦାଙ୍କ ଦ୍ୱାରା ୧୯୯୫ରେ ଅଭିନୀତ କୁଲି ନଂ ୧ର ରିମେକ୍ ଅଟେ । ଫିଲ୍ମଟି ରିଲିଜ ହେବାପରେ ସୋସିଆଲ୍ ମିଡିଆ ମାଧ୍ୟମରେ ସମସ୍ତେ ତାଙ୍କ ମନ୍ତବ୍ୟ ଦେଇଛନ୍ତି ଏବଂ ଏହି ରିମେକରେ କେହି ଖୁସି ନାହାନ୍ତି ।
ଦର୍ଶକ କହିଛନ୍ତି କିଛି ଦୃଶ୍ୟ ଅତ୍ୟଧିକ ମାତ୍ରାରେ ଅଛି । କିଛି ଦର୍ଶକ ଚଳଚିତ୍ରଟି ଅସହ୍ୟ ବୋଲି ମନ୍ତବ୍ୟ ଦେଇଛନ୍ତି । ଦର୍ଶକ ଫିଲ୍ମର କାଷ୍ଟ ଏବଂ କାହାଣୀ ଦ୍ୱାରା ଖୁସି ନାହାନ୍ତି । ତେବେ ଅନ୍ୟ ପଟେ ତରନ ଆଦର୍ଶ କହିଛନ୍ତି ଫିଲ୍ମଟି ଅତ୍ୟନ୍ତ ମଜାଦାର ହୋଇଛି ।
ତେବେ ବରୁନ ଓ ସାରାଙ୍କ ବ୍ୟତୀତ ଫିଲ୍ମରେ ସାହିଲ୍ ବୈଦ୍ , ରାଜପାଲ୍ ଯାଦବ , ଜନି ଲିଭର , ଜାଭେଦ୍ ଜାଫରୀ ଏବଂ ପରେଶ ରାୱଲ ମଧ୍ୟ ଅଭିନୟ କରିଛନ୍ତି ।
