ନୂଆଦିଲ୍ଲୀ (ଏଟିଆର ବ୍ୟୁରୋ): ସର୍ବଦା ଚର୍ଚ୍ଚାରେ ରହିଥାନ୍ତି ବଲିଉଡ ଅଭିନେତ୍ରୀ ଦୀପିକା ପାଦୁକୋନ । ଏହାସହିତ ଦୀପିକାଙ୍କ ଫିଲ୍ମ ଦେଖିବା ପାଇଁ ତାଙ୍କ ଫ୍ୟାନ୍ସମାନେ ଆଗ୍ରହର ସହ ଅନେଇ ବସିଥାନ୍ତି । ଏହାରି ମଧ୍ୟରେ ଦୀପିକା ଏବଂ ହ୍ରିତିକ ରୋଶନ ତାଙ୍କର ଆଗାମୀ ଫିଲ୍ମ ‘ଫାଇଟର’ବିଷୟରେ ଘୋଷଣା କରିଛନ୍ତି ।
ଏହି ଫିଲ୍ମର ଟିଜର ରିଲିଜ୍ ହୋଇସାରିଛି । ଦୀପିକା ପାଦୁକୋନ୍ ତାଙ୍କ ଇଂଷ୍ଟାରେ ଏହି ଫିଲ୍ମର ଟିଜର ସେୟାର କରିଛନ୍ତି । ସେ କହିଛନ୍ତି କି, ପ୍ରକୃତରେ ସ୍ୱପ୍ନ ସତ ହୋଇଥାଏ ।
କୁହାଯାଉଛି କି, ଦୀପିକା ଏବଂ ହ୍ରିତିକଙ୍କ ଏହ ଫିଲ୍ମ ଆଗାମୀ ବର୍ଷ ୨୦୨୨ ରେ ରିଲିଜ୍ ହେବ । ଖୁବ୍ ଶୀଘ୍ର ଏହାର ସୁଟିଂ ଆରମ୍ଭ ହୋଇଯିବ । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ସିଦ୍ଧାର୍ଥ ଆନନ୍ଦ ରହିଛନ୍ତି ।
ନିକଟରେ ଦୀପିକା ପାଦୁକୋନ୍, ଅନନ୍ୟା ପାଣ୍ଡେ, ସିଦ୍ଧାର୍ଥ ଚର୍ତୁବେଦୀ , ଶକୁନ୍ ବାତ୍ରାଙ୍କ ଫିଲ୍ମର ସୁଟିଂ ଶେଷ କରି ଫ୍ରି ହୋଇଛନ୍ତି । ଅବଶ୍ୟ ଶକୁନ ବାତ୍ରା ଏପର୍ଯ୍ୟନ୍ତ ତାଙ୍କ ଫିଲ୍ମର ନାଁ ଘୋଷଣା କରି ନାହାନ୍ତି ।
