ମୁମ୍ବାଇ(ଏଟିଆର ବ୍ୟୁରୋ) : ଅକ୍ଷୟ କୁମାର ଏବଂ କ୍ରିତି ସାନନ ନିଜର ଆଗାମୀ ପିଲ୍ମ ‘ବଚ୍ଚନ ପାଣ୍ଡେ’ର ସୁଟିଂରେ ପୁରା ବ୍ୟସ୍ତ ଥିବା ବେଳେ ତାଙ୍କ ସୁଟିଂ ସେଟର ଭିଡିଓ ହେଲା ଭାଇରାଲ । ଫରହାଦ ସାମଜୀଙ୍କ ନିର୍ଦ୍ଦେଶିତ ଏହି ଆକ୍ସନ ଫିଲ୍ମଟିର ସୁଟିଂ ନିକଟରେ ଜୈସାଲମେର୍ ଠାରେ ହେଉଛି । ଖିଳାଡି ଅକ୍ଷୟ କୁମାର ଫିଲ୍ମଟିକୁ ନେଇ ଅତ୍ୟନ୍ତ ଉତ୍ସାହିତ ଅଛନ୍ତି । ଶେଷ ଥର ପାଇଁ ପାନିପଥ ପିଲ୍ମରେ ଦେଖିବାକୁ ମିଳିଥିବା କ୍ରିତି ସାନନଙ୍କୁ ଏହି ଫିଲ୍ମରେ ଏକ ସାମ୍ବାଦିକ ଭୂମିକାରେ ଦେଖିବାକୁ ମିଳିବ ।
ଅକ୍ଷୟ କୁମାରଙ୍କ ଏକ ଫ୍ୟାନ କ୍ଲବ ଫିଲ୍ମ ସେଟର ଏକ ଭିଡିଓ ସୋସିଆଲ ମିଡିଆରେ ଭାଇରାଲ କରିଛନ୍ତି । ଏହି ଭିଡିଓଟିରୁ ଜଣାଯାଉଛି କି ଏହି ଫିଲ୍ମର ସୁଟିଂ ଏବେ ଜୈସାଲମେର୍ର ନାଚନା ହଭେଲିରେ ହେଉଛି ।
ଏହା ବ୍ୟତିତ ଅକ୍ଷୟଙ୍କ ‘ବେଲବଟମ’ ପିଲ୍ମ ଚଳିତ ବର୍ଷ ଅପ୍ରେଲ ୨ରେ ବଡ ପରଦାକୁ ଆସିବାକୁ ଯାଉଅଛି । ଏହି ଫିଲ୍ମରେ ଆପଣ ଲାରା ଦତ୍ତ, ବାନି କପୁର , ହୁମା ଖୁରେସିଙ୍କୁ ମଧ୍ୟ ଦେଖିବାକୁ ପାଇବେ ।
