ମୁମ୍ବାଇ (ଏଟିଆର ବ୍ୟୁରୋ): ରିଲିଆନ୍ସ କମ୍ପାନୀର ମାଲିକ ମୁକେଶ ଅମ୍ବାନୀଙ୍କ ବଡ ପୁଅ ଆକାଶ ଅମ୍ବାନୀଙ୍କ ବିବାହକୁ ନେଇ କିଛିଦିନ ତଳେ ଖୁବ୍ ଚର୍ଚ୍ଚା ହେଉଥିଲା । କିନ୍ତୁ ଏବେ ତାଙ୍କ ନିର୍ବନ୍ଧକୁ ନେଇ ଚର୍ଚ୍ଚା ଯୋର ଧରିଛି । ଆଜ୍ଞା ହଁ ଆକାଶ ଅମ୍ବାନୀ ଖୁବ୍ ଶୀଘ୍ର ହିରା ବ୍ୟବସାୟୀ ରସେଲ ମେହେତାଙ୍କ ଝିଅ ଶ୍ଲୋକା ମେହେତାଙ୍କ ସହିତ ନିର୍ବନ୍ଧ କରିବାକୁ ଯାଉଛନ୍ତି ।
ମିଳିଥିବା ମିଡିଆ ରିପୋର୍ଟ ଅନୁଯାୟୀ, ଜୁନ୍ ୩୦ ମୁମ୍ବାଇରେ ଦୁହେ ଦୁହିଁଙ୍କୁ ନିର୍ବନ୍ଧ ମୁଦି ପିନ୍ଧାଇବେ । ଏବେ ଏହି ନିର୍ବନ୍ଧର ଏକ ଡିଜିଟାଲ କାର୍ଡ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି କାର୍ଡଟିର ଡିଜାଇନ ଖୁବ୍ ସୁନ୍ଦର ହୋଇଛି । ଏଥିରେ ଆକାଶ ଏବଂ ଶ୍ଲୋକାଙ୍କ ଫଟୋ ଥିବା ସହିତ ଅମ୍ବାନୀ ଏବଂ ମେହେତା ପରିବାର ସଦସ୍ୟଙ୍କ ନାମ ରହିଛି ।
ସୂଚନାଅନୁଯାୟୀ, ଏହି ହାଇ ପ୍ରେଫାଇଲ ନିର୍ବନ୍ଧରେ ବଲିଉଡ ସମେତ ଅନେକ ବଡ ବଡ ବ୍ୟକ୍ତି ନଜର ଆସିପାରନ୍ତି । ନିର୍ବନ୍ଧର ଏହି ଡିଜିଟାଲ କାର୍ଡରେ ଆକାଶ ଏବଂ ଶ୍ଲୋକାଙ୍କ ଫଟୋ ରହିବା ସହିତ ଫିଲ୍ମ ‘କାଇପୋଛେ’ ର ଏକ ଗୀତକୁ ବ୍ୟାଗ୍ରାଉଣ୍ଡ ମ୍ୟୁଜିକ ଦିଆଯାଇଛି । ଏହି କାର୍ଡକୁ ଦେଖିଲା ପରେ ଲୋକମାନେ ନିଜ ନିଜର ପ୍ରତିକ୍ରିୟା ଦେବା ସହ ଆକାଶ ଏବଂ ଶ୍ଲୋକାଙ୍କୁ ତାଙ୍କର ଆଗାମୀ ଜୀବନ ପାଇଁ ଶୁଭକାମନା ଜଣାଇଛନ୍ତି ।
