ଭୁବନେଶ୍ୱର(ଏଟିଆର ବ୍ୟୁରୋ):ଓଲିଉଡ୍ ଜଗତର ଲୋକପ୍ରିୟ ଅଭିନେତ୍ରୀ ସନ୍ମିରା ନଗେସଙ୍କର ଆଜି ଜନ୍ମ ଦିବସ । ସନ୍ମିରା ୨୦୦୨ ମସିହା ଜାନୁଆରୀ ୧୬ରେ ଭୁବନେଶ୍ୱରଠାରେ ଜନ୍ମ ଗ୍ରହଣ କରିଥିଲେ । ପିଲା ଦିନରୁ ସନ୍ମିରାଙ୍କ ଅଭିନୟ ପ୍ରତି ଆଗ୍ରହ ଥିଲା । ସନ୍ମିରା ଶିଶୁ କଳାକାର ଭାବେ ପ୍ରଥମେ “ଆଲୋ ମୋର କଣ୍ଢେଇ”ରେ ନିଜର କଳାକୁ ଦର୍ଶାଇଥିଲେ । ପରେ କିଛି ବର୍ଷ ୨୦୧୭ରେ ସୁଶାନ୍ତ ମଣିଙ୍କ ନିର୍ଦ୍ଦେଶିତ ଫିଲ୍ମ “ସପନର ପଥେ ପଥେ”ରେ ଅଭିନୟ କରିଥିଲେ । ଏଥିରେ ସନ୍ମିରାଙ୍କ ବିପକ୍ଷରେ ଅମ୍ଲାନଙ୍କୁ ଦେଖିବାକୁ ମିଳିଥିଲା । ପରେ ସେ ‘ଲଭ୍ ଏକ୍ସପ୍ରେସ୍’ , ‘ଲୈଲା ଓ ଲୈଲା’ , ‘ଲୋକାଲ ଟୋକା ଲଭ୍ ଚୋଖା’ ପରି ରୋମାଣ୍ଟିକ ଫିଲ୍ମରେ ଅଭିନୟ କରିଥିଲେ ।
ସୂଚନାନୁସାରେ ସନ୍ମିରାଙ୍କ ଆଗାମୀ ଫିଲ୍ମ “ଗୁପଚୁପ” ଏହି ବର୍ଷ ରଜରେ ବଡ ପରଦାକୁ ଆସିବାକୁ ଯାଉଅଛି ।ପୃଥ୍ୱିରାଜ ପଟ୍ଟନାୟକ ନିର୍ଦ୍ଦେଶିତ ଏହି ଫିଲ୍ମରେ ସନ୍ମିରାଙ୍କ ବିପକ୍ଷରେ ଅମ୍ଲାନଙ୍କୁ ଦେଖିବାକୁ ମିଳିବ । ଏହା ବ୍ୟତିତ ଏହି ଫିଲ୍ମରେ ସିଦ୍ଧାନ୍ତ ମହାପାତ୍ର,କୁନା ତ୍ରୀପାଠି , ସ୍ନିଗ୍ଧା ମହାନ୍ତି ,ପ୍ରଦ୍ୟୁମ୍ନ ଲେଙ୍କା,ଉଷଶୀ ମିଶ୍ରଙ୍କ ପରି ବଡ କଳାକାରଙ୍କୁ ଦେଖିବାକୁ ମିଳିବ ।
