ମୁମ୍ବାଇ (ଏଟିଆର ବ୍ୟୁରୋ): ସୁପରଷ୍ଟାର ରଜନୀକାନ୍ତଙ୍କ ଫିଲ୍ମ ‘କାଲା’ ଆଜି ସାରା ଦେଶରେ ରିଲିଜ୍ ହୋଇ ଯାଇଛି । ସବୁଠାରୁ ବଡ କଥା ହେଲା ଏହି ଫିଲ୍ମର ଫାଷ୍ଟ ଶୋ’ସକାଳ ୪ଟାରେ ଥିଲା । ମାତ୍ର ରଜନୀକାନ୍ତଙ୍କ ଫ୍ୟାନ୍ସ ଫଲୋଇଙ୍ଗ ଏତେ ମାତ୍ରାରେ ବଢିବାରେ ଲାଗିଛି ଯେ ଏହି ଫିଲ୍ମର ଫାଷ୍ଟ ଶୋ’ ହାଉସ ଫୁଲ ହୋଇ ଯାଇଥିଲା । କେବଳ ଏତିକି ନୁହେଁ ଫିଲ୍ମର ଦ୍ୱିତୀୟ ଶୋ’ ଦେଖିବା ପାଇଁ ସିନେମା ହଲ ଆଗରେ ଦର୍ଶକଙ୍କ ଲମ୍ବା ଲାଇନ ଲାଗିଥିଲା ।
ଏହି ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଖୁବ୍ ଉତ୍ସାହ ଦେଖିବାକୁ ମିଳିଥିଲା । ରଜନୀକାନ୍ତଙ୍କ କିଛି ଫ୍ୟାନ୍ସମାନେ ସିନେମା ହଲ ଆଗରେ ଢୋଲ ବାଜାର ତାଳରେ ନାଚିବା ଆରମ୍ଭ କରି ଦେଇଥିଲେ ।
ଖବରମୁତାବକ, ଏହି ଫିଲ୍ମରେ ରଜନୀକାନ୍ତଙ୍କ ବ୍ୟତୀତ ନାନା ପାଟେକର, ହୁମା କ୍ୟୁରେଶୀ ଏବଂ ଈଶ୍ୱରୀ ରାଓ ପ୍ରମୁଖ ଗରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । ଫିଲ୍ମଟିକୁ ପ୍ରଯୋଜନା କରିଛନ୍ତି ଧନୁଷ । ଫିଲ୍ମଟି ପାଖା ପାଖି ୧୪୦ କୋଟି ବଜେଟରେ ପ୍ରସ୍ତୁତ କରାଯାଇଛି । କିନ୍ତୁ ରିଲିଜ୍ ପୂର୍ବରୁ ଏହି ଫିଲ୍ମ ୨୩୦ କୋଟି ଆୟ କରି ସାରିଲାଣି ।
