ମୁମ୍ବାଇ (ଏଟିଆର ବ୍ୟୁରୋ): ଟେଲିଭିଜନ ଅଭିନେତ୍ରୀ ରୁବିନା ଦିଲାଇକ ବିଗବସ୍ ୧୪ ର ବିଜେତା ହୋଇଛନ୍ତି । ସେ ସମସ୍ତ ପ୍ରତିଯୋଗୀଙ୍କୁ ପଛରେ ପକାଇ ୩୬ ଲକ୍ଷ ଟଙ୍କା ଏବଂ ଟ୍ରଫି ନିଜ ନାଁରେ କରିଛନ୍ତି । ବିଗବସ୍ ୧୪ ଘରେ ରୁବିନା ଖୁବ୍ ଚର୍ଚ୍ଚାରେ ଥିଲେ । ସେହିପରି ବିଜେତା ହେବା ପରେ ରୁବିନା ସୋଶାଲ ମିଡିଆରେ ତାଙ୍କ ପ୍ରତିକ୍ରିୟା ରଖିଛନ୍ତି ।
ରୁବିନା ସୋଶାଲ ମିଡିଆରେ ତାଙ୍କ ଫ୍ୟାନ୍ସଙ୍କ ପାଇଁ ଏକ ଭିଡିଓ ସେୟାର କରିଛନ୍ତି । ଏହି ଭିଡିଓରେ ସେ ତାଙ୍କ ଫ୍ୟାନ୍ସଙ୍କ ସହଯୋଗ ଏବଂ ଭଲ ପାଇବା ପାଇଁ ଧନ୍ୟବାଦ ଜଣାଇଛନ୍ତି । ଏହାସହିତ ବିଗବସ୍ ୧୪ ର ହୋଷ୍ଟ ସଲମାନ୍ ଖାଁଙ୍କୁ ମଧ୍ୟ ଧନ୍ୟବାଦ କହିଛନ୍ତି ।
ସୂଚନାଯୋଗ୍ୟ, ବିଗବସ୍ ୧୪ ରେ ରୁବିନାଙ୍କ ସହିତ ରାହୁଲ ବୈଦ୍ୟ ରନର୍ସଅପ ରହିଛନ୍ତି । ସଲମାନ୍ ଖାଁ ବିଗବସ୍ ୧୪ ର ଭବ୍ୟ ଗ୍ରାଣ୍ଡଫିନାଲେ ର ବିଜେତା ଘୋଷଣା କରିବା ସହିତ ଟ୍ରଫି ଦେଇଛନ୍ତି । ଟ୍ରଫି ସହିତ ବିଜେତାଙ୍କୁ ୩୬ ଲକ୍ଷ ଟଙ୍କା ଦିଆଯାଇଛି । ଅବଶ୍ୟ ବିଜେତାଙ୍କ ପ୍ରାଇଜ ମନି ୫୦ ଲକ୍ଷ ଟଙ୍କା ଥିଲା । କିନ୍ତୁ ସେହି ୫୦ ଲକ୍ଷ ଟଙ୍କାରୁ ରାକ୍ଷୀ ସାୱନ୍ତ ୧୪ ଲକ୍ଷ ଟଙ୍କା ନେଇ ସୋ’ ଛାଡିବାର ନିଷ୍ପତି ନେଇଥିଲେ । ଯେଉଁଥିପାଇଁ ପ୍ରାଇଜ୍ ମନି ୩୬ ଲକ୍ଷ ଟଙ୍କା ହୋଇଯାଇଥିଲା ।
