ମାଲକାନାଗିରି,(ଏଟିଆର ବ୍ୟୁରୋ): ଓଏସଆରଟିସିର ଏକ ବସ ଦୁର୍ଘଟଣାଗସ୍ତ ହୋଇଛି । ଆଜି ସକାଳେ ମାଲକାନାଗିରିରେ ଘଟିଥିବା ଏହି ଦୁର୍ଘଟଣାରେ ୪ଜଣ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ସମସ୍ତଙ୍କୁ ଉଦ୍ଧାର କରାଯାଇ ହସପିଟାଲରେ ଭର୍ତ୍ତି କରାଯାଇଛି ।
ସକାଳେ ବସଟି ଭବାନୀପାଟଣା ଅଭିମୂଖେ ବାହାରିଥିଲା । ତେବେ ପାଙ୍ଗାମ ନିକଟରେ ହଠାତ ଭାରସାମ୍ୟ ହରାଇଥିଲେ ଡ୍ରାଇଭର । ବସଟି ସିଧା ଏକ ଗଛକୁ ଧକ୍କା ଦେଇ ଓଲଟି ପଡିଥିଲା । ସକାଳୁ ସକାଳୁ ଏଭଳି ଘଟଣା ପୂରା ସ୍ଥାନୀୟ ଅଞ୍ଚଳରେ ଆତଙ୍କ ଖେଳାଇ ଦେଇଥିଲା । ବସରେ ଥିବା ମୋଟ ୪୦ଜଣ ଯାତ୍ରୀଙ୍କ ଚିକ୍ରାର ପୂରା ଏରିଆକୁ ଥରହର କରିଥିଲା । ପରେ ସ୍ଥାନୀୟ ଲୋକେ ପହଞ୍ଚି ଆହତ ୪ଜଣଙ୍କୁ ହସପିଟାଲ ପଠାଇଥିଲେ । ପୁଲିସ ଘଟଣାର ତଦନ୍ତ କରୁଛି ।
