ନୂଆଦିଲ୍ଲୀ (ଏଟିଆର ବ୍ୟୁରୋ): ଗୋଟ ଦିନ ପୂର୍ବରୁ ମହିଳାଙ୍କ ଜିନ୍ସ ପିନ୍ଧାକୁ ନେଇ ଉତ୍ତରାଖଣ୍ଡର ନବନିଯୁକ୍ତ ମୁଖ୍ୟମନ୍ତ୍ରୀ ତିରଥ ସିଂହ ରାୱତ ବିବାଦୀୟ ବୟାନ ଦେଇଥିଲେ । ସେ କହିଥିଲେ କି, ମହିଳାଙ୍କୁ ଫଟା ଜିନ୍ସରେ ଦେଖିଲେ ଆଶ୍ଚର୍ଯ୍ୟ ଲାଗେ । ଏହାଦ୍ୱାରା ସମାଜକୁ କି ପ୍ରକାର ମେସେଜ ଯିବ ।
ତିରଥଙ୍କ ଏହି ବୟାନ ଉପରେ ମହିଳାମାନେ ପ୍ରତିକ୍ରିୟା ଦେବା ଆରମ୍ଭ କରି ଦେଇଛନ୍ତି । ବଲିଉଡ ଅଭିନେତା ବିଗ୍ ବି ଙ୍କ ନାତୁଣୀ ନବ୍ୟା ନନ୍ଦା ପରେ ଏବେ ଅଭିନେତ୍ରୀ ଗୁଲ ପନାଗ ମଧ୍ୟ ମୁଖ୍ୟମନ୍ତ୍ରୀ କଡା ଜବାବ ଦେଇଛନ୍ତି ।
ସେହିପରି ଟ୍ୱିଟର ୟୁଜର୍ସ ମଧ୍ୟ ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ତିରଥ ସିଂହଙ୍କୁ ଜଜମେଣ୍ଟାଲ ବୋଲି କହିଛନ୍ତି । ଗୁଲ ପନାଗ ମଧ୍ୟ ଟ୍ୱିଟ କରି ମୁଖ୍ୟମନ୍ତ୍ରୀଙ୍କୁ ସମାଲୋଚନା କରିଛନ୍ତି ।
ସୂଚନାଯୋଗ୍ୟ, ଡେହରାଡୁନରେ ଏକ ୱର୍କସପ୍ ରେ ସାମିଲ ହୋଇଥିଲେ ତିରଥ ସିଂହ ରାୱତ । ଏହି ଅବସରରେ ସେ ମହିଳାଙ୍କ ରିପ୍ଡ ଜିନ୍ସ ପିନ୍ଧା ଉପରେ ବୟାନ ଦେଇଥିଲେ । ଆଉ କହିଥିଲେ କି ଛୁଆମାନଙ୍କୁ ଘରେ ସଠିକ୍ ମାହୋଲ ଦେଇପାରିବେନି ।
ଏହା ଉପରେ ଗୁଲ ପନାଗ ମୁଖ୍ୟମନ୍ତ୍ରୀ ନାଁ ନନେଇ ମହିଳାମାନଙ୍କୁ ରିପ୍ଡ ଜିନ୍ସ ପିନ୍ଧିବାକୁ କହିଛନ୍ତି ଏବଂ ତାଙ୍କ ନିଜ ଝିଅ ସହ ଏକ ଫଟୋ ପୋଷ୍ଟ କରିଛନ୍ତି । ଏହି ଫଟୋରେ ଗୁଲ ପନାଗ ଏବଂ ତାଙ୍କ ଝିଅ ରିପ୍ଡ ଜିନ୍ସ ପିନ୍ଧିଛନ୍ତି ।
