ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତା ଋଷି କପୁର ଏବଂ ଇର୍ଫାନ ଖାଁଙ୍କ ଫ୍ୟାନ୍ସ ମାନଙ୍କୁ ଭାବୁକ କରିଦେଇଛି ୭୪ତମ ବ୍ରିଟିଶ ଏକାଡେମୀ ଅଫ୍ ଫିଲ୍ମସ ଆଣ୍ଡ ଟେଲିଭିଜନ ଆୱାର୍ଡ । କାରଣ ଏହି ଆୱାର୍ଡ ସୋ’ରେ ଉଭୟ ଅଭିନେତାଙ୍କୁ ଶ୍ରଦ୍ଧାଞ୍ଜଳୀ ଦିଆଯାଇଛି ।
ଗତବର୍ଷ ବଲିଉଡ ଅଭିନେତା ଋଷି କପୁର ଏବଂ ଇର୍ଫାନ ଖାଁ ସବୁଦିନ ପାଇଁ ଦୁନିଆ ଛାଡି ଚାଲି ଯାଇଥିଲେ । ଏବେ ଏହି ଦୁଇ ଅଭିନେତାଙ୍କୁ ବ୍ରିଟେନ ଆୱାଡା ସୋ’ରେ ଶ୍ରଦ୍ଧାଞ୍ଜଳୀ ଦିଆଯାଇଛି ।
ଫ୍ୟାନ୍ସମାନେ ଏହି ଖାସ ଇଭେଣ୍ଟ ସୋ’ର ସ୍କ୍ରିନ ସର୍ଟ ସୋସିଆଲ ମିଡିଆରେ ମଧ୍ୟ ସେୟାର କରିଛନ୍ତି । ଜଣେ ୟୁଜର ଲେଖିଛନ୍ତି ଇର୍ଫାନ ଏବଂ ଋଷି କପୁରଙ୍କୁ ଦେଖି ମୁଁ ଭାବୁକ ହୋଇଗଲି । ସେହିପରି ଆଉ ଜଣେ ୟୁଜର୍ସ ଲେଖିଛନ୍ତି ଇର୍ଫାନ ଖାଁଙ୍କ ନିଧନ ହୋଇଥିଲା ବୋଲି ମୁଁ ସ୍ତବ୍ଧ । ଲଞ୍ଚବକ୍ସରେ କିଛି ସେ ଜବରଦସ୍ତ ଅଭିନୟ କରିଥିଲେ । ସେ ଜଣେ ସାନ୍ଦାର ଅଭିନେତା । ଅନ୍ୟପଟେ ଅନେକ ଇଂଟରନେସନାଲ ଫ୍ୟାନ୍ସମାନେ ମଧ୍ୟ ଅଭିନେତାଙ୍କ ନିଧନରେ ଦୁଃଖ ପ୍ରକାଶ କରିଛନ୍ତି ।
