ନୂଆଦିଲ୍ଲୀ (ଏଟିଆର ବ୍ୟୁରୋ): ଦେଶରେ ଆତଙ୍କ ରଚୁଛି କରୋନାର ଦ୍ୱିତୀୟ ଲହର । ସ୍ଥିତି ଏତେ ମାତ୍ରାରେ ବିଗିଡିଲାଣି କି ହସ୍ପିଟାଲରେ ରୋଗୀଙ୍କୁ ବେଡ୍ ମିଳୁନାହିଁ । ସେହିପରି ହସ୍ପିଟାଲରେ ଅକ୍ସିଜେନ୍ ସିଲିଣ୍ଡରର ଅଭାବ ମଧ୍ୟ ଦେଖିବାକୁ ମିଳିଛି । ଏହାକୁ ଦୃଷ୍ଟିରେ ରଖି ଏବେ ଇନ୍ଦୌର ବାସୀଙ୍କୁ ସହାୟତାର ହାତ ବଢାଇଛନ୍ତି ବଲିଉଡ ଅଭିନେତା ସୋନୁ ସୁଦ୍ ।
ବାସ୍ତବରେ ଇନ୍ଦୌର ହସ୍ପିଟାଲରେ ଅକ୍ସିଜେନ୍ ସିଲିଣ୍ଡରର ଅଭାବ ଦେଖା ଦେଇଛି । ସେହିପରି କରୋନା ପ୍ରକୋପ ମଧ୍ୟ ବୃଦ୍ଧି ହେଉଛି । ଏଭଳି ସ୍ଥିତିରେ ସୋନୁ ସୁଦ , ହସ୍ପିଟାଲକୁ ୧୦ଟି ଅକ୍ସିଜେନ୍ ଜେନେରେଟର ପଠାଇଛନ୍ତି ।
ସୋସିଆଲ ମିଡିଆରେ ଭିଡିଓ ପୋଷ୍ଟ କରି ସୋନୁ କହିଛନ୍ତି କି, ଇନ୍ଦୌର ଲୋକଙ୍କ ସୁସ୍ଥ ସ୍ୱାସ୍ଥ୍ୟ କାମନା କରୁଛି । ଜାଣିବାକୁ ପାଇଲି କି ଇନ୍ଦୌରରେ ଲୋକେ ସଂଘର୍ଷ କରୁଛନ୍ତି । କାରଣ ଇନ୍ଦୌରରେ ଅକ୍ସିଜେନ୍ ର ଅଭାବ ଦେଖା ଦେଇଛି । ସେଥିପାଇଁ ୧୦ ଟି ଅକ୍ସିଜେନ ପଠାଇ ସମସ୍ୟା ଦୂର କରିବାର ନିଷ୍ପତି ନେଇଛି ।
ସୂଚନାଯୋଗ୍ୟ, କରୋନା ଲକଡାଉନ ପାଇଁ ବିଭିନ୍ନ ସ୍ଥାନରେ ଫସି ରହିଥିବା ଲୋକଙ୍କୁ ସାହାଯ୍ୟ କରି ଚର୍ଚ୍ଚାରେ ରହିଥିବା ସୋନୁ ଏବେ ପର୍ଯ୍ୟନ୍ତ ମଧ୍ୟ ଲୋକମାନଙ୍କ ପାଇଁ ସହାୟତା କରୁଛନ୍ତି ।
