ପୁରୀ(ଏଟିଆର ବ୍ୟୁରୋ): ଆଜି ମଧ୍ୟ ବନ୍ଦ ରହିଛି ମହାପ୍ରଭୁ ଶ୍ରୀଜଗନ୍ନାଥଙ୍କ ମନ୍ଦିର । ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଶ୍ରୀମନ୍ଦିର ପ୍ରଶାସନ ଓ ଜିଲ୍ଲା ପ୍ରଶାସନ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି । ଆଜି ସର୍ବସାଧାରଣଙ୍କ ପାଇଁ ମନ୍ଦିରର ଚତୁଃପାଶ୍ୱର୍କୁ ସାନିଟାଇଜ୍ କରାଯାଉଛି । ପ୍ରତି ରବିବାର ଶ୍ରୀମନ୍ଦିର ଭିତର ଓ ବାହାରକୁ ସାନିଟାଇଜ କରାଯାଉଛି ।
ଆସନ୍ତା ୨୪ ତାରିଖରୁ ସପ୍ତାହକୁ ଦୁଇଦିନ ଅର୍ଥାତ ଶନିବାର ଓ ରବିବାର ଭକ୍ତଙ୍କ ପାଇଁ ମନ୍ଦିର ବନ୍ଦ ରହିବ । ଆଜି ବଡଦେଉଳରେ କେବଳ ନୀତିକାନ୍ତି ସମ୍ପନ୍ନ ହୋଇଛି । ସାଧାରଣ ଦର୍ଶନକୁୀ ସମ୍ପୂର୍ଣ୍ଣ ଭାବେ ବାରଣ କରାଯାଇଛି । ଏଥିପାଇର୍ ମନ୍ଦିର ପ୍ରଶାସନ ଓ ଜିଲ୍ଲା ପ୍ରଶାସନ ପକ୍ଷରୁ ସ୍ୱତନ୍ତ୍ର ଏସଓପି ମଧ୍ୟ ପ୍ରସ୍ତୁତ କରାଯାଇଛି ।
ରାଜ୍ୟରେ ଏବେ କରୋନା ସଂକ୍ରମଣ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି ।ରାଜ୍ୟ ବାହାରୁ ସର୍ବାଧିକ ହଜାର ହଜାର ଭକ୍ତ ଦର୍ଶନ ପାଇଁ ଆସୁଥିବାରୁ ରାଜ୍ୟ ବାହାର ଭକ୍ତଙ୍କ ପାଇଁ କଟକଣା ଲଗାଯାଇଛି ଏବଂ କୋଭିଡ ରିପୋର୍ଟ ନେଗେଟିଭ ଦେଖାଇବା ବାଧ୍ୟତାମୂଳକ କରାଯାଇଛି ।
