ନୂଆଦିଲ୍ଲୀ(ଏଟିଆର ବ୍ୟୁରୋ): କରୋନାରେ ଆକ୍ରାନ୍ତ ହେଲେ କଂଗ୍ରେସ ନେତା ରାହୁଲ ଗାନ୍ଧି । ଏନେଇ ରାହୁଲ ଗାନ୍ଧି ନିଜେ ଟ୍ୱିଟ କରି ସୂଚନା ଦେଇଛନ୍ତି । ରାହୁଲ ଟ୍ୱିଟ କରି କହିଛନ୍ତି ମତେ କରୋନାର ଲକ୍ଷଣ ଦେଖାଦେବାରୁ ମୁଁ କରୋନା ଟେଷ୍ଟ କରାଇବା ପରେ ମୋର ରିପୋର୍ଟ ପଜିଟିଭ ଆସିଛି । ଗତ କିଛି ଦିନ ମଧ୍ୟରେ ଯେଉଁମାନେ ମୋ ସଂସ୍ପର୍ଶରେ ଆସିଛନ୍ତି ସୋନେ ନିଜ ନିଜର କରୋନା ଟେଷ୍ଟ କରାଇ ନିଅନ୍ତୁ । ଏବଂ କରୋନା ଗାଇଡଲାଇନ ମାନିବା ସହ ସୁରକ୍ଷିତ ରୁହନ୍ତୁ ।
ରାହୁଲଙ୍କ ପୂର୍ବରୁ ଗତକାଲି ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ କରୋନା ଆକ୍ରାନ୍ତ ହୋଇଥିଲେ । ତାଙ୍କ ଟେଷ୍ଟ ରିପୋର୍ଟ ପଜିଟିଭ ଆସିବା ପରେ ତାଙ୍କୁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଛି । ସେହିପରି ଗତ କିଛି ଦିନ ପୂର୍ବରୁ କଂଗ୍ରେସ ମୁଖପାତ୍ର ରଣଦୀପ ସୂର୍ୟ୍ୟେୱାଲା ମଧ୍ୟ କରୋନା ଆକ୍ରାନ୍ତ ହୋଇଥିଲେ ।
