ମୁମ୍ବାଇ (ଏଟିଆର ବ୍ୟୁରୋ): ଟିଭି ଜଗତର ଲୋକପ୍ରିୟ ଅଭିନେତ୍ରୀ ରୁବିନା ଦିଲାଇକ ଓ ଅଭିନେତା ଅଭିନବ ଶୁକ୍ଲା ଗୁରୁବାର ବିବାହ ବନ୍ଧନରେ ଆବଦ୍ଧ ହୋଇଛନ୍ତି । ଏ ଦୁହିଁଙ୍କ ବିବାହ ଶିମ୍ଲାରେ ପଂଜାବୀ ଓ ହିମାଚଂଳ ରୀତିନିତୀରେ ସଂପନ୍ନ ହୋଇଛି । ପୂର୍ବରୁ ରୁବିନାଙ୍କର ମେହେନ୍ଦୀ ଓ ସଂଗୀତର ଅନେକ ଭିଡିଓ ସୋସିଆଲ ମିଡିଆରେ ଦେଖିବାକୁ ମିଳିଥିଲା । ହେଲେ ଏବେ ରୁବିନାଙ୍କ ବିବାହର ଭିଡିଓ ସୋସିଆଲ ମିଡିଆରେ ଧୂମ ମଚାଇଛି । ଏହିସବୁ ଭିଡିଓ ମଧ୍ୟରେ ଗୋଟିଏ ଭିଡିଓରେ ରୁବିନା ଓଢଣୀ ଉଠାଇ ଡ୍ୟାନ୍ସ କରୁଥିବା ମଧ୍ୟ ଦେଖିବାକୁ ମିଳିଛି । ରୁବିନା ଓ ଅଭିନବଙ୍କ ବିବାହରେ ଟିଭିର ବହୁ ଛୋଟ ବଡ଼ ଷ୍ଟାରମାନେ ଉପସ୍ଥିତଥିଲେ ।
ମିଳିଥିବା ସୂଚନା ଅନୁସାରେ, ଉଭୟ ୨୮ ଜୁନ ମୁମ୍ବାଇରେ ବିବାହର ଏକ ଗ୍ରାଣ୍ଡ ରିସେପ୍ସନ ପାର୍ଟିର ଆୟୋଜନ କରିଛନ୍ତି । ଏଠାରେ ଆପଣଙ୍କୁ କହି ରଖୁଛୁ କି, ଅଭିନବ ଓ ରୁବିନା ଏକା ସହିତ ଲୋକପ୍ରିୟ ଧାରାବାହିକ ‘ଛୋଟି ବୋହୂ’ରେ କାମ କରିଥିଲେ । ଏବେ କିନ୍ତୁ ରୁବିନା କଲର୍ସ ଚ୍ୟାନେଲରେ ପ୍ରସାରିତ ହେଉଥିବା ଧାରାବାହିକ ‘ଶକ୍ତି ଅସ୍ତିତ୍ୱ କେ ଅହେସାସ’ରେ ନଜର ଆସୁଛନ୍ତି । ଏଥିରେ ରୁବିନା ଟ୍ରାନ୍ସଜେଣ୍ଡର ସୌମ୍ୟା ରୂପରେ ଅଭିନୟ କରିଛନ୍ତି ।
