ନୂଆଦିଲ୍ଲୀ (ଏଟିଆର ବ୍ୟୁରୋ) : ଜଣାଶୁଣା ବରିଷ୍ଠ ଟିଭି ସାମ୍ବାଦିକ ରୋହିତ ସରଦାନାଙ୍କ ପରଲୋକ ଘଟିଛି । ସେ କରୋନାରେ ସଂକ୍ରମିତ ଥିଲେ । ଶୁକ୍ରବାର ସକାଳୁ ତାଙ୍କର ହୃଦଘାତ ହେବା ପରେ ତାଙ୍କୁ ଭେଣ୍ଟିଲେଟରରେ ରଖା ଯାଇଥିଲେ ହେଲେ ତାଙ୍କୁ ଡାକ୍ତର ବଞ୍ଚାଇ ପାରିଲେ ନାହିଁ । ଯାହାଫଳରେ ହୃଦଘାତରେ ସେ ତାଙ୍କର ଶେଷ ନିଶ୍ୱାଷ ତ୍ୟାଗ କରିଛନ୍ତି ।
୨୦୧୮ ମସିହାରେ ଗଣେଶ ବିଦ୍ୟାର୍ଥୀ ପୁରସ୍କାର ପାଇଥିଲେ ରୋହିତ ସରଦାନା । ସେ ଶେଷ ମୁହୂର୍ତ୍ତ ପର୍ଯ୍ୟନ୍ତ ଲୋକଙ୍କୁ ସାହାଯ୍ୟ କରି ଆସୁଥିଲେ । ଗତକାଲି ସେ ତାଙ୍କ ଶେଷ ଟ୍ୱିଟ କରିଥିଲେ । ଯେଉଥିରେ ସେ କରୋନା ସଂକ୍ରମିତଙ୍କୁ ରେମଡେସିଭିର ଇଂଜେକ୍ସନ ଆବଶ୍ୟକତା ନେଇ କହିଥିଲେ ।
ରୋହିତଙ୍କ ନିଧନ ଖବର ଶୁଣି ସହଜରେ କେହି ଗ୍ରହଣ କରି ପାରୁନଥିବା ବେଳେ ସାମ୍ବାଦିକ ମହଲରେ ଶୋକର ଛାୟା ଖେଳି ଯାଇଛି ।
