ନୂଆଦିଲ୍ଲୀ (ଏଟିଆର ବ୍ୟୁରୋ): ଭାରତୀୟ ୟୁଜର୍ସଙ୍କ ପାଇଁ ଗୁଗଲ ତାର ଫୋନ୍ ଆପ୍ ‘ ଗୁଗଲ ଫୋନ୍ ଆପ୍’ ର ନୂତନ ଅପଡେଟ ଜାରି କରିଛି । ଏଥିରେ ପିକ୍ସଲ ଫୋନ୍ ୟୁଜର୍ସଙ୍କୁ ଅଟୋ କଲ ରେକର୍ଡିଂ ର ଫିଚର ଦିଆଯାଇଛି । ଏଣିକି କଲ ରେକର୍ଡ କରିବା ପାଇଁ ପିକ୍ସଲ ୟୁଜର୍ସଙ୍କୁ କୌଣସି ଥାର୍ଡ ପାର୍ଟି ଆପ୍ ର ଆବଶ୍ୟକତା ନାହିଁ । ଗୁଗଲ ଫୋନ ଆପ୍ ର ଅପଡେଟ ଭର୍ସନ ଗୁଗଲ ପ୍ଲେ ଷ୍ଟୋରରେ ଲାଇଭ ହୋଇଯାଇଛି । ଯାହାକୁ ଆପଣ ଡାଉନଲୋଡ କରିପାରିବେ ।
କମ୍ପାନୀର କହିବାନୁଯାୟୀ ଏହି ଅପଡେଟକୁ ଭାରତୀୟ ପିକ୍ସଲ ୟୁଜର୍ସଙ୍କ ପାଇଁ ଜାରି କରାଯାଇଛି ଏବଂ ଏହି ଅପଡେଟକୁ ଧୀରେ ଧୀରେ ସମସ୍ତ ଦେଶ ପାଇଁ ଜାରି କରାଯିବ । ନୂତନ ଅପଡେଟରେ ରେକର୍ଡିଂ ଅଟୋ ଡିଲିଟି ର ମଧ୍ୟ ବିକଳ୍ପ ମିଳିବ । ଅବଶ୍ୟ ଏଥିପାଇଁ ଏକ ସେଟିଙ୍ଗ କରିବାକୁ ପଡିବ କି ଆପଣ ଆପଣଙ୍କ କଲ ରେକର୍ଡିଂକୁ କେତେ ସମୟ ପରେ ଡିଲିଟ କରିବାକୁ ଚାହୁଁଛନ୍ତି ।
