ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡର ଡିମ୍ପଲ ଗର୍ଲ ଦୀପିକା ପାଦୁକୋନ ଏବଂ ବାଦଶାହା ଶାହରୁଖ ଖାଁ ତାଙ୍କ ଅପକମିଂ ଫିଲ୍ମ ‘ପଠାନ୍’ ପାଇଁ ସ୍ପେନ୍ ରେ ଏକ ଗୀତ ସୁଟିଂ କରିବେ । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ସିଦ୍ଧାର୍ଥ ଆନନ୍ଦ ।
ଏକ ରିପୋର୍ଟ ମୁତାବକ, କେବେ ବି କୌଣସି ବଲିଉଡ ଫିଲ୍ମ ଏହି ସ୍ଥାନରେ ସୁଟିଂ ହୋଇନାହିଁ । ସ୍ପେନରେ ସିଦ୍ଧାର୍ଥ ଆନନ୍ଦ ଏକ ଗୀତ ସୁଟିଂ କରିବାକୁ ଯାଉଛନ୍ତି । ଏଥିପାଇଁ ସବୁକିଛି ପ୍ରସ୍ତୁତ ହୋଇ ସାରିଲାଣି । ଏଠାକାର ମନଲୋଭା ସୌନ୍ଦର୍ଯ୍ୟ ପାଇଁ ଗୀତଟି ବହୁତ ଶୀଘ୍ର ହିଟ୍ ହେବ ବୋଲି ଅନୁମାନ କରାଯାଉଛି ।
ଯେପରି ସହଜ ଏବଂ ସୁରକ୍ଷିତ ଭାବେ ସ୍ପେନରେ ସୁଟିଂ ହୋଇପାରିବ ସେନେଇ ସମସ୍ତ ପରାମର୍ଶ ଉପରେ କାମ କରାଯାଉଛି ।
