ନୂଆଦିଲ୍ଲୀ (ଏଟିଆର ବ୍ୟୁରୋ): ଟେଲିଭିଜନ ଷ୍ଟାର ସିଦ୍ଧାର୍ଥ ଶୁକ୍ଳାଙ୍କ ଅଚାନକ ନିଧନ ସମସ୍ତଙ୍କୁ ସ୍ତବ୍ଦ କରିଦେଇଥିଲା । କିନ୍ତୁ ମୃତ୍ୟୁ ପୂର୍ବରୁ ସିଦ୍ଧାର୍ଥ ତାଙ୍କ ଗର୍ଲଫ୍ରେଣ୍ଡ ସେହନାଜ ଗିଲ୍ ଙ୍କ ସହ ଏକ ମ୍ୟୁଜିକ ଭିଡିଓ କରିଥିଲେ । ଏବେ ଏହି ମ୍ୟୁଜିକ ଭିଡିଓଟି ଅକ୍ଟୋବର ୨୧ ରେ ରିଲିଜ୍ ହେବା ପାଇଁ ପ୍ରସ୍ତୁତ ହୋଇଛି ।
ସିଦ୍ଧାର୍ଥ ଶୁକ୍ଳା ଏବଂ ଶେହନାଜ ଗିଲ୍ ଙ୍କ ଶେଷ ଗୀତ ‘ଅଧୁରା’ ର ଫାଷ୍ଟ ଲୁକ ପୋଷ୍ଟର ବଲିଉଡ କଣ୍ଠଶିଳ୍ପୀ ଶ୍ରେୟା ଘୋଷାଲ ସେୟାର କରିବା ସହ ଏହାର ରିଲିଜ୍ ତାରିଖ ମଧ୍ୟ ଘୋଷଣା କରିଛନ୍ତି । ‘ଅଧୁରା’ ଗୀତର ପୋଷ୍ଟରକୁ ସିଦନାଜ୍ ଙ୍କ ଫ୍ୟାନ୍ସମାନେ ଖୁବ୍ ପସନ୍ଦ କରୁଛନ୍ତି । ଏହି ଗୀତଟିକୁ କଣ୍ଠଶିଳ୍ପୀ ଶ୍ରେୟା ଘୋଷାଲ ଗାଇଛନ୍ତି ।
ପୋଷ୍ଟରଟିକୁ ଶ୍ରେୟା ସେୟାର କରିବା ସହିତ କ୍ୟାପ୍ସନରେ ଲେଖିଛନ୍ତି ସେ ଜଣେ ଷ୍ଟାର ଥିଲେ ଏବଂ ସବୁଦିନ ପାଇଁ ରହିବେ ।
