ନୂଆଦିଲ୍ଲୀ (ଏଟିଆର ବ୍ୟୁରୋ): ଅକ୍ଷୟ କୁମାର, ସାରା ଅଲି ଖାନ ଏବଂ ଧନୁଷ ଷ୍ଟାରର ଚଳଚ୍ଚିତ୍ର ‘ଅତରଙ୍ଗି ରେ’ ର ମୋସନ ପୋଷ୍ଟର ଆଉଟ ହୋଈଛି । ଏହା ସହିତ ଫିଲ୍ମର ଟ୍ରେଲର ରିଲିଜ ହେବାର ଘୋଷଣା ମଧ୍ୟ କରାଯାଇଛି। ତିନୋଟି ବଡ ତାରକାଙ୍କ ଦ୍ୱାରା ସୁସଜ୍ଜିତ ଏହି ଚଳଚ୍ଚିତ୍ରର ଟ୍ରେଲର ନଭେମ୍ବର ୨୪ ରେ ଡିସ୍ନି ପ୍ଲସ୍ ହଟଷ୍ଟାରରେ ମୁକ୍ତିଲାଭ କରିବ ।
ଫିଲ୍ମର ଷ୍ଟାରକାଷ୍ଟ ସେମାନଙ୍କ ସୋସିଆଲ ମିଡିଆ ଆକାଉଣ୍ଟରେ ମୋସନ ପୋଷ୍ଟର ସେୟାର କରିଛନ୍ତି । ମୋସନ ପୋଷ୍ଟରରେ ୩ ଅତରଙ୍ଗିଙ୍କୁ ରିଭିଲ୍ କରାଯାଇଛି । ସର୍ବପ୍ରଥମେ ଅତରଙ୍ଗି ନମ୍ବର ୧ ହେଉଛନ୍ତି ସାରା ଅଲି ଖାନ । ଫିଲ୍ମରେ ତାଙ୍କ ନାମ ରିଙ୍କୁ, ଯିଏ ପ୍ରେମରେ ପାଗଳ । ଅନ୍ୟ ଅତରଙ୍ଗ ହେଉଛନ୍ତି ସାଉଥ୍ ସୁପରଷ୍ଟାର୍ ଧନୁଷ । ବିଷ୍ଣୁଙ୍କ ଚରିତ୍ରରେ ଅଭିନୟ କରୁଥିବା ଧନୁଷ, ଏହି ପ୍ରେମ କାହାଣୀର ଦ୍ୱିତୀୟ ଅତରଙ୍ଗି । ଚଳଚ୍ଚିତ୍ରର ତୃତୀୟ ଅତରଙ୍ଗି ହେଉଛନ୍ତି ଅକ୍ଷୟ କୁମାର ।
