ଭୁବନେଶ୍ୱର (ଏଟିଆର ବ୍ୟୁରୋ): ଓଲିଉଡ ଇଣ୍ଡଷ୍ଟ୍ରିର ପୋଖତ ସିନେମାଟୋଗ୍ରାଫର ଅଶୋକ ସ୍ୱାଇଁ ଙ୍କ ପରଲୋକ ଘଟିଛି । ଆଜି ସକାଳୁ କଟକ ବାସଭବନରେ ତାଙ୍କର ମୃତ୍ୟୁ ଘଟିଛି । ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ବୟସ ହୋଇଥିଲା । ଏବଂ ତାଙ୍କ ପାଖରେ ତାଙ୍କ ପତ୍ନୀ, ପୁଅ ଏବଂ ଦୁଇ ଝିଅ ଉପସ୍ଥିତ ଥିଲେ ।
ଓଲିଉଡରେ ସେ ବାବୁଲି ଭାଇ ନାମରେ ବେଶ୍ ଜଣା ଶୁଣା ଥିଲେ । ଏବଂ ସେ ଜୟଦେବ ପୁରସ୍କାର ମଧ୍ୟ ଲାଭ କରିଥିଲେ । ଇଣ୍ଡଷ୍ଟ୍ରିରେ ୪୦ ବର୍ଷର ଅଭିଜ୍ଞତାରେ ସେ ବିଭିନ୍ନ କ୍ୟାମେରା ବ୍ୟବହାର କରିଥିଲେ । ବ୍ଲାକ୍ ଆଣ୍ଡ ହ୍ୱାଇଟ୍ ଠାରୁ ଆରମ୍ଭ କରି ମିଚେଲ,ଏଆରଆରଆଇ, ବୋଲେକ୍ସ, ପାନାଭିଜନ ଇତ୍ୟାଦି ।
ତାଙ୍କ ମୃତ୍ୟୁ ଖବର ପ୍ରକାଶ ପାଇଲା ପରେ ଓଲିଉଡ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି । ଏବଂ ମର ଶରୀରର ଶେଷ ଦର୍ଶନ ଲାଗି ତାଙ୍କ ବାସଭବନକୁ କଳାକାରମାନେ ଯାଉଥିବାର ଜଣାପଡିଛି ।
