ୟୁକ୍ରେନରେ ଫସିଥିବା ଭାରତୀୟଙ୍କୁ ଉଦ୍ଧାର କରିବା ପାଇଁ ରୋମାନିଆର ବୁକାରେଷ୍ଟରେ ପହଁଚିଲା ଏୟାର ଇଣ୍ଡିଆ ବିମାନ

ନୂଆଦିଲ୍ଲୀ (ଏଟିଆର ବ୍ୟୁରୋ): ଋଷ-ୟୁକ୍ରେନ ଲଢେଇ ମଧ୍ୟରେ ଭାରତ ତାର ନାଗରିକଙ୍କୁ ଉଦ୍ଧାର କରିବାର ପ୍ରଚେଷ୍ଟା ଜାରି ରଖିଛି । ଏୟାର ଇଣ୍ଡିଆର ରେସ୍କ୍ୟୁ ବିମାନ ଶନିବାର ରୋମାନିଆର ବୁକାରେଷ୍ଟ ବିମାନ ବନ୍ଦରରେ ପହଁଚି ଯାଇଛି । ଭାରତୀୟଙ୍କୁ ଫେରାଇ ଆଣିବା ପାଇଁ ଏହି ବିମାନ ଆଜି ମୁମ୍ବାଇରୁ ଉଡାଣ ଭରିଥିଲା । ଏବେ ଏହା ବୁକରେଷ୍ଟରେ ଲ୍ୟାଣ୍ଡ କରିସାରିଛି ।

ବୁକାରେଷ୍ଟରୁ ଭାରତୀୟଙ୍କୁ ଏୟାରଲିଫ୍ଟ କରିବା ପରେ ଏହି ବିମାନ ମୁମ୍ବାଇ ଅଭିମୁଖେ ଉଡାଣ ଭରିବ । ଏହା ବୋଇଂ ୭୮୭ ବିମାନ ଏବଂ ଏଥିରେ ୨୫୦ ରୁ ଅଧିକ ଯାତ୍ରୀ ଏକାସଙ୍ଗରେ ଯାତ୍ର୍ରା କରିପାରିବେ ।