ପୁରୀ (ଏଟିଆର ବ୍ୟୁରୋ): ସବୁ ସେହି ମହାପ୍ରଭୁଙ୍କ ଲୀଳା । ତାଙ୍କ ବିନା ଇଛାରେ କିଛି ବି ସମ୍ଭବ ନୁହେଁ । ରଥ ଉପରେ ସମସ୍ତ ନୀତିକାନ୍ତି ସରିଯିବା ପରେ ମାଉସୀ ମା’ ଘରକୁ ଯିବା ପାଇଁ ବ୍ୟଗ୍ର ଅଛନ୍ତି ବଡ ଠାକୁର । ନିର୍ଦ୍ଧାରିତ ସମୟ ଆଗରୁ ରଥ ଗଡିବା ଆରମ୍ଭ ହୋଇଯାଇଛି । ରଥଟଣା ଲାଗି ପୂର୍ବରୁ ୪ଟା ସମୟ ନିର୍ଦ୍ଧାରଣ କରାଯାଇଥିଲା । କିନ୍ତୁ ନିର୍ଦ୍ଧାରିତ ସମୟ ଆଗରୁ ମହାପ୍ରଭୁ ଶ୍ରୀ ବଳଭଦ୍ରଙ୍କ ରଥଟଣା ଆରମ୍ଭ ହୋଇଯାଇଛି । ପୋଲିସ କର୍ଡନ ସହାୟତାରେ ବିନା କୌଣସି ଅସୁବିଧାରେ ଭକ୍ତମାନେ ଖୁବ୍ ଆନନ୍ଦର ସହ ମହାପ୍ରଭୁଙ୍କ ରଥକୁ ଟାଣି ଟାଣି ନେଇଯାଉଛନ୍ତି ।
