ନୂଆଦିଲ୍ଲୀ (ଏଟିଆର ବ୍ୟୁରୋ): ଖିଲାଡୀ କୁମାର ତଥା ଅକ୍ଷୟ କୁମାରଙ୍କ ଅପକମିଂ ଫିଲ୍ମ ରାମ ସେତୁ ସିନେମା ହଲରେ ନୁହେଁ ବରଂ ଓଟିଟି ପ୍ଲାଟଫର୍ମରେ ରିଲିଜ ହେବ ବୋଲି କିଛି ଦିନ ଶୁଣିବାକୁ ମିଳୁଛି । କିନ୍ତୁ ଏବେ ଅକ୍ଷୟ କୁମାରଙ୍କ ଫ୍ୟାନ୍ସଙ୍କ ପାଇଁ ଖୁସୀ ଖବର । ନୂତନ ରିପୋର୍ଟ ମୁତାବକ, ଫିଲ୍ମ ରାମ ସେତୁ ଓଟିଟି ରେ ନୁହେଁ ବରଂ ସିନେମା ହଲରେ ରିଲିଜ୍ ହେବ ।
ଅଭିଶେକ ଶର୍ମାଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମରେ ଅକ୍ଷୟ କୁମାରଙ୍କ ସହ ଜ୍ୟାକଲିନ୍ ଫର୍ଣ୍ଣାଡିଜ୍ ଓ ନୁସରତ ଭରୁଚା ମଧ୍ୟ ନଜରକୁ ଆସିବେ । ଏଥିରେ ଅକ୍ଷୟ କୁମାର ଜଣେ ପୁରାତତ୍ୱବିତ୍ ରୂପେ ରାମ ସେତୁ ପଛର ରହସ୍ୟ ବିଷୟରେ ଯାଞ୍ଚ କରୁଛନ୍ତି । ଫିଲ୍ମଟି ଅକ୍ଟୋବର ୨୪ ରେ ରିଲିଜ୍ ହେବ ।
