ନୂଆଦିଲ୍ଲୀ (ଏଟିଆର ବ୍ୟୁରୋ): ସୋସିଆଲ ମିଡିଆରେ ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଏକ ପୋଷ୍ଟ ସେୟାର କରି ସମସ୍ତଙ୍କୁ ଚକିତ କରିଦେଇଛନ୍ତି । ଏଥିରୁ ଅନୁମାନ କରାଯାଉଛି କି ମା ହେବାକୁ ଯାଉଛନ୍ତି ଆଲିଆ ଭଟ୍ଟ । ଆଲିଆ ଯେଉଁ ଫଟୋ ସେୟାର କରିଛନ୍ତି ସେଥିରେ ସେ ଏକ ମେଡିକାଲ ବେଡରେ ଶୋଇଛନ୍ତି ତାଙ୍କ ସହ ରଣବୀର କପୁର ଅଛନ୍ତି । ଉଭୟ ସୋନୋଗ୍ରାଫି ଫଟୋ ଦେଖୁଛନ୍ତି ଯେଉଁଥିରେ ଏକ ହାର୍ଟ ଚିତ୍ର ହୋଇଛି ।
ସୋସିଆଲ ମିଡିଆରେ ଆଲିଆ ଏହି ଖୁସୀ ଖବର ସେୟାର କରିବା ପରେ ଏବେ ଫ୍ୟାନ୍ସଙ୍କ ରିଆକ୍ସନ ବଢିବାରେ ଲାଗିଛି । ଇଂଷ୍ଟାଗ୍ରାମ ପୋଷ୍ଟରେ ଫ୍ୟାନ୍ସମାନେ ବିଭିନ୍ନ ପ୍ରକାରର କମେଣ୍ଟ କରିବାରେ ଲାଗିପଡିଛନ୍ତି । ଏହା ଉପରେ କେହି କେହି ବିଶ୍ୱାସ କରୁନଥିବା ବେଳେ ଆଉ କେହି କେହି ଶୁଭେଚ୍ଛା ଜଣାଉଛନ୍ତି ।
