ନୂଆଦିଲ୍ଲୀ (ଏଟିଆର ବ୍ୟୁରୋ): ଚର୍ଚ୍ଚାରେ ବଲିଉଡର ଜଣାଶୁଣା କଣ୍ଠଶିଳ୍ପୀ ମିକା ସିଂ । ଆଜ୍ଞା ହଁ ମିକା ତାଙ୍କ ସ୍ୱୟଂବରକୁ ନେଇ ଚର୍ଚ୍ଚାରେ ଅଛନ୍ତି । ରିଆଲିଟି ଶୋ’ ‘ସ୍ୱୟଂବର: ମିକା ଦି ଭୋଟି’ ଜରିଆରେ ସେ ଦୀର୍ଘ ଦିନ ଧରି ଜୀବନସାଥୀ ବାଛୁଥିବା ବେଳେ ଏବେ ମିକାଙ୍କୁ ମିଳି ଯାଇଛି ତାଙ୍କ ଜୀବନ ସାଥୀ । ମିକାଙ୍କ ହୃଦୟ ଜିତିଛନ୍ତି ଆକାଂକ୍ଷା ପୁରୀ । ହାତେଇଛନ୍ତି ମିକା ଦି ଭୋଟି ର ଟାଇଟଲ ।
ଏହି ଶୋ’ ରେ ଆକାଂକ୍ଷା ପୁରୀଙ୍କ ୱାଲ୍ଡିକାର୍ଡ ଏଣ୍ଟ୍ରି ହୋଇଥିଲା । ଏହାପରେ ସିଧା ଟପ୍ ୩ ରେ ପହଁଚିଥିଲେ ଆକାଂକ୍ଷା ।
ସୂଚନାଯୋଗ୍ୟ, ଦୀର୍ଘ ଦିନରୁ ଦୁହେଁ ଦୁହିଁଙ୍କୁ ଜାଣିଛନ୍ତି ମିକା ଓ ଆକାଂକ୍ଷା । ଦୁହେଁ ଏକାଠି ଅନେକ ମ୍ୟୁଜିକ ଭିଡିଓରେ କାମ କରିଛନ୍ତି । କେବଳ ଏତିକି ନୁହେଁ ଅନେକ ଥର ଦୁହିଁଙ୍କ ଆଫେୟାର ବିଷୟରେ ମଧ୍ୟ ଶୁଣିବାକୁ ମିଳିଛି । ଅବଶ୍ୟ ଏନେଇ ଦୁହିଁଙ୍କ ପକ୍ଷରୁ କୌଣସି ସ୍ପଷ୍ଟି କରଣ ହୋଇନାହିଁ ।
