ରିଲିଜର ୧୯ ଦିନ ପରେ ବି ହଲରେ ସଞ୍ଜୁର ଧମାଲ : ଗୋଟେ ଦିନରେ କଲେକ୍ସନ ହେଉଛି ଏକ କୋଟି

ଭୁବନେଶ୍ୱର ,(ଏଟିଆର ବ୍ୟୁରୋ): ସଞ୍ଜୟ ଦତ୍ତଙ୍କ ଉପରେ ହୋଇଥିବା ରଣବୀର କପୁରଙ୍କ ଅଭିନୀତ ଫିିଲ୍ମ ସଞ୍ଜୁ ଏବେ ଦିନକୁ ଦିନ ସୁପରହିଟ ହେବାରେ ଲାଗିଛି । ପ୍ରାୟ ୧୯ ଦିନ ହେବ ଫିିଲ୍ମ ରିଲିଜ ହୋଇସାରିଛି । କିନ୍ତୁ ଏବେ ବି ଏହି ଫିଲ୍ମର କ୍ରେଜ୍ ଦିନକୁ ଦିନ ବଢିବାରେ ଲାଗିଛି ଏବଂ ବକ୍ସ ଅଫିସରେ ସଞ୍ଜୁ ଫିଲ୍ମର କଲେକ୍ସନ ମଧ୍ୟ ବଢୁଛି । ଏହି ଫିିଲ୍ମ ଗୋଟେ ଦିନରେ ରୋଜଗାର କରୁଛି ଏକ କୋଟିରୁ ବି ଅଧିକ ଟଙ୍କା । ସଞ୍ଜୁ ଫିଲ୍ମ ପ୍ରଥମ ଦିନରୁ ଅନ୍ୟ ଫିଲ୍ମ ମାନଙ୍କ ରେକର୍ଡ ଭାଙ୍ଗି ସାରିଛି ।
ସଞ୍ଜୁ ଫିଲ୍ମର ବକ୍ସ ଅଫିସରେ ଲଗାତାର ଇନକମ ଆଗକୁ ରିଲିଜ ହେବାକୁ ଯାଉଥିବା ଫିଲ୍ମ ଉପରେ ଭାରି ପଡିପାରେ । ହେଲେ ବକ୍ସ ଅଫିସରେ ଏବେ ସଞ୍ଜୁ ସହ ଟକ୍କରରେ ଅଛି ଫିଲ୍ମ ସୁରମା । ଆସନ୍ତା ଜୁଲାଇ ୨୦ ତାରିଖରେ ରିଲିଜ ହେବ “ଧଡକ” ଯାହାକି ସଞ୍ଜୁ ଫିଲ୍ମକୁ ଟକ୍କର ଦେଇପାରେ । କାରଣ ଧଡକ ଫିଲ୍ମ ପାଇଁ ଆଡଭାନ୍ସ ଟିକେଟ ବୁକିଙ୍ଗ ଆରମ୍ଭ ହୋଇସାରିଛି ।
ସଞ୍ଜୁ ଫିଲ୍ମର ପ୍ରଥମ ସପ୍ତାହର ଇନକମ ୨୦୨.୫୧ କୋଟି , ଦ୍ୱିତୀୟ ସପ୍ତାହର ଇନକମ ୯୨.୬୭ କୋଟି ଓ ତୃତୀୟ ସପ୍ତାହର ଇନକମ ୩୧୬.୬୪ ରହିଛି । ଗତ ୧୬ ଓ ୧୭ ତାରିଖରେ ଏହି ଫିଲ୍ମର ଇନକମ ୩୨୨.୧ କୋଟିରେ ପହଞ୍ଚିଛି ।
ବାହୁବଳୀ ପରି ହିଟ ଫିଲ୍ମକୁ ପଛରେ ପକାଇଛି ସଞ୍ଜୟ ଦତ୍ତଙ୍କ ବାୟୋପିକ ଫିଲ୍ମ “ସଞ୍ଜୁ” । କହିବାକୁ ଗଲେ ଫିଲ୍ମ ସଞ୍ଜୁ ବକ୍ସ ଅଫିସରେ ୫୦୦ କୋଟି ଇନକମ କରିସାରିଲାଣି ଏବଂ ଏହି ଫିଲ୍ମ ରଣବୀର କପୁରଙ୍କ ପ୍ରଥମ ବ୍ଲକବାଷ୍ଟର ଫିଲ୍ମ ଯାହାକି ରଣବୀର କପୁରଙ୍କ କ୍ୟାରିୟରକୁ ଆଗକୁ ବଢେଇବା ପାଇଁ ସୁଯୋଗ ଦେଇଛି । ଫିଲ୍ମର ନିର୍ଦ୍ଦେଶକ ଓ ଷ୍ଟାରକାଷ୍ଟଙ୍କ ଆଶା ଅଛି ଯେ ଆଗକୁ ୫୦୦ କୋଟିରୁ ଆହୁରି ଅଧିକ ଟଙ୍କା ଇନକମ କରିବ ଫିଲ୍ମ ସଞ୍ଜୁ ।