ନୂଆଦିଲ୍ଲୀ (ଏଟିଆର ବ୍ୟୁରୋ): ଓଟିଟି ପ୍ଲାଟଫର୍ମରେ ଧମାଲ କରିବାକୁ ଅଣ୍ଟା ଭିଡିଛନ୍ତି ବଲିଉଡ ଅଭିନେତା ଶାହିଦ କପୁର । ଆଜ୍ଞା ହଁ ଶାହିଦଙ୍କ ଅପକମିଂ ଫିଲ୍ମ ‘ବ୍ଲଡି ଡାଡି’ ଜୁନ୍ ୯ରେ ଓଟିଟି ରେ ରିଲିଜ୍ ହେବାକୁ ଯାଉଛି । ବିନା କୌଣସି ଚାର୍ଜରେ ଜିଓ ସିନେମାର ଫିଲ୍ମର ମଜା ଉଠାଇପାରିବେ ଦର୍ଶକ । ଫିଲ୍ମଟି ସିନେମାହଲରେ ରିଲିଜ୍ ହେବା ନେଇ ଫ୍ୟାନ୍ସମାନେ ଆଶା ରଖିଥିବା ବେଳେ ଓଟିଟିରେ ରିଲିଜ୍ ହେବାକୁ ନେଇ ପ୍ରତିକ୍ରିୟା ରଖିଛନ୍ତି ଶାହିଦ ।
ଏନେଇ ଶାହିଦ କପୁର କହିଛନ୍ତି କି, ଏହି ଫିଲ୍କକୁ ଓଟିଟି ପାଇଁ ଡିଜାଇନ୍ କରାଯାଇଛି । ଆପଣ ଆପଣଙ୍କ ଘରେ ଶାନ୍ତିରେ ବସି ଏହି ଫିଲ୍ମର ମଜା ଉଠାଇ ପାରିବେ ।
ଅଲ୍ଲୀ ଅବାସ ଜଫରଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମରେ ଶାହିଦ କପୁର ମୁଖ୍ୟ ଚରିତ୍ରରେ ନଜରକୁ ଆସିବେ । ତାଙ୍କ ବ୍ୟତିତ ଡାୟନା ପେଣ୍ଟି, ସଞ୍ଜୟ କପୁର, ଅଙ୍କୁର ଭାଟିୟା, ରାଜୀବ ଖଣ୍ଡେଲୱାଲ ଏବଂ ରୋନିତ ରୟଙ୍କୁ ଦେଖିବାକୁ ମିଳିବ ।
