ପୁରୀ (ଏଟିଆର ବ୍ୟୁରୋ): ବଡଭାଇ ପଛେ ପଛେ ଶ୍ରୀମନ୍ଦିର ଅଭିମୁଖେ ବାହୁଡିଲେ ହଳଦୀମୁଖୀ ମା ସୁଭଦ୍ରା । ରଥ ଉପରେ ସମସ୍ତ ନୀତିକାନ୍ତି ତଥା ଛେରାପହଁରା ନୀତି ସମ୍ପନ୍ନ ହେବା ପରେ ରଥର ଚାରମାଳ ଖୋଲାଯାଇ ଅଶ୍ୱ ଯୋଚା ଯିବା ପରେ ଦର୍ପଦଳନ ରଥ ଗଡିବା ଆରମ୍ଭ କରିଛି । ଘଣ୍ଟା ଘଣ୍ଟା ଧ୍ୱନି ସହ ଘର ଘର ନାଦ କରି ଆଗକୁ ଗଡି ଚାଲିଛି ଦର୍ପଦଳନ ।
ପ୍ରଥମେ ବଡଠାକୁରଙ୍କ ତାଳଧ୍ୱଜ ରଥ ଗଡିବା ପରେ ଭଉଣୀ ସୁଭଦ୍ରାଙ୍କ ଦର୍ପଦଳନ ରଥ ଗଡିବା ଆରମ୍ଭ କରିଛି । ନିର୍ଦ୍ଧାରିତ ସମୟ ପୂର୍ବରୁ ରଥଟଣା କାର୍ଯ୍ୟ ଆରମ୍ଭ ହୋଇଛି ।
