ନୂଆଦିଲ୍ଲୀ (ଏଟିଆର ବ୍ୟୁରୋ): ପର୍ଯ୍ୟଟକଙ୍କ ପାଇଁ ଖୁସୀ ଖବର । ଆଇଆରସିଟିସି ଆଣିଛି ଦୁବାଇ ପାଇଁ ଜବରଦସ୍ତ ଓ ଶସ୍ତା ଟୁର୍ ପ୍ୟାକେଜ୍ । ଏହା ଜରିଆରେ ଆପଣଙ୍କୁ ଦୁବାଇ ସହିତ ଆବୁଧାବି ବୁଲିବାର ମଉକା ମିଳୁଛି ।
ଏହି ଜବରଦସ୍ତ ଇଂଟରନ୍ୟାସନାଲ ପ୍ୟାକେଜ ରେ ଆପଣ ୧୨ ଡିସେମ୍ବରରୁ ୨୫ ଡିସେମ୍ବର ୨୦୨୫ ମଧ୍ୟରେ ଦୁବାଇ ଏବଂ ଆବୁଧାବି ଯାତ୍ରା କରିପାରିବେ । ଏହି ପ୍ୟାକେଜରେ ଆପଣଙ୍କୁ ଦିଲ୍ଲୀରୁ ଶାରଜାହା ଯିବା-ଆସିବା ପାଇଁ ଏୟାର ଆରବିଆର ଟିକେଟ ମିଳିବ ।
୬ ଦିନ ୫ ରାତିର ଏହି ପ୍ୟାକେଜରେ ୩ଷ୍ଟାର ହୋଟେଲରେ ରହିବାକୁ ସୁଯୋଗ ମିଳିବ । ଏହାସହିତ ଡିଲକ୍ସ କୋଚରେ ଆପଣ ପ୍ରତ୍ୟେକ ଜାଗାକୁ ଯାଇପାରିବେ । ବିଶ୍ୱ ପ୍ରସିଦ୍ଧ ବୁର୍ଜ ଖଲିଫା ମଧ୍ୟ ବୁଲି ପାରିବେ ।
ଏହି ପ୍ୟାକେଜରେ ଭିସା ଖର୍ଚ୍ଚ ମଧ୍ୟ ସାମିଲ ଅଛି । ପ୍ୟାକେଜ ଅନୁଯାୟୀ ଜଣଙ୍କ ପାଇଁ ୧,୧୬୫୦୦ ହୋଇଥିବାବେଳେ ଦୁଇ ଜଣଙ୍କ ପାଇଁ ୯୭୮୦୦ ଏବଂ ୩ ଜଣ ଲୋକ ଏକାଠି ରହିବା ପାଇଁ ହେଲେ ପ୍ରତି ବ୍ୟକ୍ତି ହିସାବରେ ୯୫୪୦୦ ଦେବାକୁ ହେବ ।
