ଭୁବନେଶ୍ୱର (ଏଟିଆର ବ୍ୟୁରୋ): ଓଡିଶାରେ ବାକି ରହିଛି ଚତୁର୍ଥ ପର୍ଯ୍ୟାୟ ବା ଶେଷ ପର୍ଯ୍ୟାୟ ନିର୍ବାଚନ । ଏନେଇ ପ୍ରଚାର ଜୋରସୋରରେ ଚାଲିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଓଡିଶାର ୩ଟି ସ୍ଥାନରେ ପ୍ରଚାର କରିବେ । ମୟୂରଭଞ୍ଜ, ବାଲେଶ୍ୱର ଓ କେନ୍ଦ୍ରାପଡାରେ ପ୍ରଚାର କରିବେ ମୋଦି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଓଡିଶା ଗସ୍ତକୁ ନେଇ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ବାରିପଦା ବସଷ୍ଟାଣ୍ଡକୁ ସକାଳ ୬ଟାରୁ ଅପରାହ୍ନ ୫ଟା ଯାଏଁ ବସ୍ ଚଳାଚଳ ନିଷେଧ କରାଯାଇଛି । ସେହିପରି ବାଲେଶ୍ୱର ଓ କେନ୍ଦ୍ରାପଡାରେ ମଧ୍ୟରେ ଟ୍ରାଫିକ କଟକଣା କଡାକଡି କରାଯାଇଛି ।
