ମୁମ୍ବାଇ (ଏଟିଆର ବ୍ୟୁରୋ): ଯେବେଠୁ କରଣ ଜୋହରଙ୍କ ଫିଲ୍ମ ‘ତଖତ୍’ର ନାଁ ଘୋଷଣା କରାଯାଇଛି, ସେବେଠୁ ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ବଢିବାରେ ଲାଗିଛି । ଫିଲ୍ମର କାହାଣୀଠାରୁ ଆରମ୍ଭ କରି ଷ୍ଟାରକାଷ୍ଟ ପର୍ଯ୍ୟନ୍ତ ସବୁକିଛି ଜାଣିବା ପାଇଁ ଦର୍ଶକ ଆଗ୍ରହର ସହ ଅନେଇ ବସିଛନ୍ତି । ଶେଷରେ ଫିଲ୍ମ ସହ ଜଡିତ କିଛି ମଜାଦାର ଖବର ସାମ୍ନାକୁ ଆସିଛି । ଆଜ୍ଞା ହଁ କରଣ ଜୋହରଙ୍କ ଏହି ଫିଲ୍ମରେ ଅନିଲ କପୁର,ରଣବରୀ ସିଂ,କରୀନା କପୁର ଖାଁ, ଆଲିଆ ଭଟ୍ଟ, ବିକି କୌଶାଲ ଏବଂ ଜାହ୍ନବୀ କପୁରଙ୍କ ନାଁ ଫିଲ୍ମ ସହ ଜଡିତ ଥିବାର ଶୁଣିବାକୁ ମିଳୁଛି ।
କରଣ ଜୋହରଙ୍କ ଏହି ଫିଲ୍ମଟି ମୋଗଲ ସାମ୍ରାଜ୍ୟ ଉପରେ ଆଧାରିତ । ଏଥିରେ ବିକି କୌଶାଲ ଔରାଙ୍ଗ ଜେବ୍ ଭୂମିକାରେ ଏବଂ ରଣବୀର ସିଂ ଔରାଙ୍ଗ ଜେବଙ୍କ ବଡ ଭାଇ ଦାରା ଶିକୋହଙ୍କ ଚରିତ୍ରରେ ନଜର ଆସିବେ । ସେହିପରି କରୀନା କପୁର ଜହାନାରା ଚରିତ୍ରରେ,ଅନିଲ କପୁର ଶାହାଜାନ ଚରିତ୍ରରେ, ଆଲିଆ ଭଟ୍ଟ ଦାରା ଶିକୋହଙ୍କ ପତ୍ନୀ ଭୂମିକାରେ ,ଏବହ ଜାହ୍ନବୀ କପୁର ହୀରା ବାଇ ଭୂମିକାରେ ନଜର ଆସିପାରନ୍ତି ।
