ଭୁବନେଶ୍ୱର (ଏଟିଆର ବ୍ୟୁରୋ): ଆଜି ସ୍ୱାଧୀନତା ଦିବସ ଏହି ଅବସରରରେ ଓଡିଶାର ବିଭିନ୍ନ ସିନେମା ହଲରେ ମୁକ୍ତିଲାଭ କରିବାକୁ ଯାଉଛି ଓଲିଉଡ ଫିଲ୍ମ ‘ଲୋକାଲ ଟୋକା ଲଭ୍ ଚୋଖା’ ।
ଓଁମ ସାଇ ବ୍ୟାନରରେ ପ୍ରସ୍ତୁତ ତଥା ସୁଧାଂଶୁ ସାହୁଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ଲୋକାଲ ଟୋକା ଲଭ୍ ଚୋଖା’ଟି ଡ୍ରାମା ଏବଂ ପ୍ରେମ କାହାଣୀ ଉପରେ ଆଧାରିତ । ଏଥିରେ ମୁଖ୍ୟ ଭୂମିକାରେ ଅଛନ୍ତି ଅଭିନେତା ବାବୁସାନ ମହାନ୍ତି ଏବଂ ତାଙ୍କ ବିପରୀତରେ ଅଭିନେତ୍ରୀ ସନମିରା ନାଗେଶ ନଜର ଆସିବେ । ଏମାନଙ୍କ ବ୍ୟତୀତ ମିହିର୍ ଦାସ, ଅପରାଜିତା ମହାନ୍ତି, ପ୍ରଦ୍ୟୁମ୍ନ ଲେଙ୍କା, ପୁଷ୍ପା ପଣ୍ଡା, ଅସିତ୍ ପତିଙ୍କୁ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ପାଇବେ ଦର୍ଶକ ।
ଫିଲ୍ମର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ବୈଦନାଥ ଦାସ । ଏଥିରେ ଥିବା ସମସ୍ତ ଗୀତ ଦର୍ଶକଙ୍କ ମନକୁ ଛୁଇଁପାରିଛି । ଗୀତ ଭଳି ଫିଲ୍ମଟି ମଧ୍ୟ ଦର୍ଶକଙ୍କ ହୃଦୟ ଜିଣିପାରିବ ବୋଲି ଆଶା ରହିଛି ।
