ଉମରକୋଟ(ଏଟିଆର ବ୍ୟୁରୋ): ପୁଣି ଏକ ଟ୍ରାକ୍ଟର ଓଲଟି ପଡିଛି । ଶ୍ରମିକ ମାନଙ୍କୁ ନେଇ ଯାଉଥିବା ଏକ ଟ୍ରାକ୍ଟର ଓଲଟି ପଡିଛି । ଆଗରୁ ମଧ୍ୟ ଏହି ଭଳି ଘଟଣା ଦେଖିବାକୁ ମିଳିଛି । ସୂଚନା ଅନୁସାରେ ନବରଙ୍ଗପୁର ଜିଲ୍ଲା ଝରିଗାଁ ଥାନା ଅନ୍ତର୍ଗତ ଫୁପୁଗାଁ ନିକଟରେ ଏକ ଟ୍ରାକ୍ଟର ଓଲଟି ପଡିଛି । ଏହି ଟ୍ରାକ୍ଟରରେ ୩୦ ଜଣ ମହିଳା ଥିଲେ । ଟ୍ରାକ୍ଟରଟି ଫୁପୁଗାଁ ନିକଟରେ ଭାରସାମ୍ୟ ହରାଇ ଓଲଟି ପଡିଥିଲା ।
ଫଳରେ ଟ୍ରାକ୍ଟରରେ ଥିବା ୧୫ଜଣ ମହିଳା ଆହତ ହୋଇପଡିଥିଲେ । ଆହତ ହୋଇଥିବା ସମସ୍ତଙ୍କୁ ସ୍ଥାନୀୟ ଲୋକମାନେ ଉଦ୍ଧାର କରି ନିକଟରେ ଥିବା ମେଡିକାଲରେ ଭର୍ତ୍ତି କରାଯାଇଛି । ଏହି ଟ୍ରାକ୍ଟରଟି ପୂର୍ଣ୍ଣଗୁଡାରୁ ଭାଲୁକାନାଡି ଗାଁକୁ ୩୦ଜଣରୁ ଅଧିକ ମହିଳା ନେଇ ଯାଉଥିଲେ ।
