ଭୁବନେଶ୍ୱର (ଏଟିଆର ବ୍ୟୁରୋ): ପିକଅପ୍ ଭ୍ୟାନ୍ ଦୁର୍ଘଟଣାଗ୍ରସ୍ତ । ଓଲଟି ପଡିଲା ପିକଅପ୍ ଭ୍ୟାନ୍ । ଏହି ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ଘଟିଛି । ସେହିଭଳି ୯ ଜଣ ଗୁରୁତର ଭାବେ ଆହତ ହୋଇଛନ୍ତି । ଏଭଳି ଏକ ଅଭାବନୀୟ ଘଟଣା ଗଞ୍ଜାମ ଜିଲ୍ଲା ରମ୍ଭା ଥାନା ଖଣ୍ଡି ଦେଉଳି ବିରୁଳିଗଡ ରାସ୍ତାରେ ଘଟିଛି ।
ଆଜି ସକାଳୁ ଏହି ଦୁର୍ଘଟଣା ଘଟିଛି । ପିକଅପ୍ ଭ୍ୟାନ୍ ଟି ଶ୍ରମିକ ମାନଙ୍କୁ ନେଇ ବ୍ରହ୍ମପୁର ଭାବନ୍ଧସ୍ଥିତ କ୍ରସରକୁ ଯାଉଥିଲା । ସମସ୍ତ ଶ୍ରମିକ କାମ କରିବାକୁ କ୍ରସରକୁ ଯାଉଥିଲେ । ଅଚାନକ୍ ଖଣ୍ଡିଦେଉଳି-ବିରୁଳିଗଡ ରାସ୍ତାରେ ପିକଅପ୍ ଭ୍ୟାନ୍ ଟି ଭାରସାମ୍ୟ ହରାଇ ଓଲଟି ପଡିଲା । ଘଟଣାସ୍ଥଳରେ ୩ ଜଣଙ୍କର ଜୀବନ ଚାଲିଯାଇଥିବା ବେଳେ ୯ ଜଣଙ୍କ ଅବସ୍ଥା ଗୁରୁତର ହୋଇପଡିଥିଲା । ଆହତଙ୍କୁ ଚିକିତ୍ସା କରିବା ଲାଗି ବ୍ରହ୍ମପୁର ବଡ ମେଡିକାଲରେ ଭର୍ତ୍ତି କରାଯାଇଛି ।
