ନୂଆଦିଲ୍ଲୀ (ଏଟିଆର ବ୍ୟୁରୋ): ଫୁଟବଲ୍ ମ୍ୟାଚ୍ ଦେଖିବା ବେଳେ ଅଘଟଣ । କିଛି ବୁଝିବା ପୂର୍ବରୁ ଅଚାନକ୍ ଫୁଟିଲା ଗୁଳି । ଏଥିରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୬ ଜଣ ଆହତ ହୋଇଛନ୍ତି । ଏଭଳି ଏକ ଅଭାବନୀୟ ଘଟଣା ଆମେରିକାର କାର୍ଲିଫୋନିଆ ସ୍ଥିତ ଫ୍ରେସ୍ନୋରେ ଏହି ଅଘଟଣ ଘଟିଛି ।
ଫ୍ରେସ୍ନୋ ପୋଲିସର ପ୍ରବକ୍ତା ବିଲ ଡୋଲଲି କହିଛନ୍ତି, ସ୍ଥାନୀୟ ଅଞ୍ଚଳର କିଛି ବ୍ୟକ୍ତି ଫଟବଲ୍ ମ୍ୟାଚ୍ ଦେଖିବା ପାଇଁ ନିଜ ପରିବାର ସହିତ ଏକାଠି ହୋଇଥିଲେ । ସେହି ସମୟରେ ଏକ ଅଜଣା ବ୍ୟକ୍ତି ସେଠାକୁ ଆସି ଫାୟାରିଙ୍ଗ ଆରମ୍ଭ କରିଦେଇଥିଲା । ଏଥିରେ ୪ ଜଣ ମୃତ୍ୟୁବରଣ କରିଛନ୍ତି ଏବଂ ୬ ଜଣ ଆହତ ହୋଇଛନ୍ତି । ଆହତଙ୍କୁ ଚିକତ୍ସା କରିବା ଲାଗି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଏହାସହିତ ସିସିଟିଭି ଆଧାରରେ ସନ୍ଧିଗ୍ଧ ଆକ୍ରମଣକାରୀର ତଦନ୍ତ ଚାଲିଛି ।
