କେନ୍ଦୁଝର (ଏଟିଆର ବ୍ୟୁରୋ); ସ୍କୁଲ ଭ୍ୟାନ ଦୁର୍ଘଟଣାଗସ୍ତ । ପୋଖରୀ ଭିତରେ ଖସି ପଡିଲା ଭ୍ୟାନ । ଅଳ୍ପକେ ବର୍ତ୍ତିଲେ ଛାତ୍ରୀ ଛାତ୍ରୀ । ତେବେ ଛାତ୍ରୀମାନେ ସାମନ୍ୟ ଆହାତ ହୋଇଥିବା ଜଣାପଡିଛି । ତେବେ ଏଭଳି ସଡକ ଦୁର୍ଘଟଣା ଘଟିଛି କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ସୋସ ଥାନା ଅନ୍ତର୍ଗତ ଜମ୍ବିରା ଗାଁ ନିକଟରେ । ୮ ଜଣ ଛାତ୍ର ଛାତ୍ରୀ ଏଥିରେ ଥିଲେ । ସ୍ଥାନୀୟ ଲୋକମାନେ ଛାତ୍ର ଛାତ୍ରୀଙ୍କ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି ।
ମିଳିଥିବା ସୂଚନା ମୁତାବକ ଏହି ସ୍କୁଲ ଭ୍ୟାନଟି ସ୍ଥାନୀୟ ଅଞ୍ଚଳରୁ ଛାତ୍ର ଛାତ୍ରୀଙ୍କୁ ନେଇ ନନ୍ଦିପଦା ଥାନା ଅନ୍ତର୍ଗତ ଚଣ୍ଡିବିରଞ୍ଚିପୁରଠାରେ ଥିବା ଇଂରାଜୀ ବିଦ୍ୟାଳୟକୁ ନେବା ପାଇଁ ଆସିଥିଲା । ଛାତ୍ର ଛାତ୍ରୀଙ୍କୁ ନେଇ ଯାଉଥିବା ବେଳେ ହଠାତ ଜମ୍ବିର ଗାଁ ନିକଟରେ ଭାରସାମ୍ୟ ହରାଇ ପୋଖରୀ ଭିତରକୁ ଖସିପଡିଥିଲା । ତେବେ କେଉଁ କାରଣରୁ ଏହା ଘଟିଛି ଏହା ସଠିକ ଭାବରେ ଜଣା ପଡିନାହିଁ । ସ୍ଥାନୀୟ ଲୋକ ଦେଖିବା ପରେ ସଙ୍ଗେ ସଙ୍ଗେ ପାଣିକୁ ଡେଇଁ ଜଣକ ପରେ ଜଣେ ପିଲାଙ୍କୁ ଉଦ୍ଧାର କରିଥିଲେ । ପିଲାଙ୍କ ଗାଡି ଦୁର୍ଘଟଣା ହୋଇଥିବା ଶୁଣିବା ପରେ ଅଭିଭାବକମାନେ ଘଟଣାସ୍ଥଳରେ ପହଁଞ୍ଚି ଯାଇଥିଲେ । ଏବଂ ମେଡିକାଲକୁ ନେଇ ଯାଇଥିଲେ । ପିଲାଙ୍କ ଦୁର୍ଘଟଣା ଖବର ପାଇବା ପରେ ପ୍ରଥମେ ଡରି ଯାଇଥିଲେ ଅଭିଭାବକ କିନ୍ତୁ ପିଲାଙ୍କୁ ସୁରକ୍ଷିତ ଦେଖିବା ପରେ ସବୁ କିଛି ଠିକ ହୋଇ ଯାଇଥିଲା ।
