ପୁଣେ (ଏଟିଆର ବ୍ୟୁରୋ): ଆଜି ଅପରାହ୍ନରେ ମହାରାଷ୍ଟ୍ର ପଣେଠାରେ ଏକ ଟ୍ରେନି ବିମାନ ଦୁର୍ଘଟଣାଗସ୍ତ ହୋଇଛି । ଏହି ଦୁର୍ଘଟଣାରେ ପାଇଲର ଗୁରୁତର ଭାବେ ଆହତ ହୋଇଛନ୍ତି । ବିମାନଟି ଇନ୍ଦପୁର ତହସିଲ ସ୍ଥିତ ଏକ ସ୍କୁଲ ପଡିଆରେ ଖସି ପଡିଥିବାରୁ ଏକ ବଡ ଦୁର୍ଘଟଣା ହେବାରୁ ରକ୍ଷା ପାଇ ଯାଇଛି । ଗୁରୁତର ଅବସ୍ଥାରେ ଥିବା ପାଇଲଟକୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ଖବରମୁତାବକ, ପୁଣେର କାର୍ବର ଏଭିଏସନ୍ ଟ୍ରେନିଙ୍ଗ ସେଣ୍ଟରରୁ ବିମାନଟି ୧୧.୩୦ରେ ଉଡାଣ ଭରିଥିଲା । ସିଦ୍ଧାର୍ଥ ଟାୟଟସ ନାମକ ପାଇଲଟ ଦ୍ୱାରା ଏହା ଆକାଶ ମାର୍ଗ ଉଡୁଥିଲା । ବିମାଟି ପାଖାପାଖି ୩୦୦୦ ଫୁଟ୍ ଉଚ୍ଚକୁ ଯିବା ପରେ ତଳକୁ ଖସି ପଡିଥିଲା । ଏହି ଦୁର୍ଘଟଣାଟି କୌଣସି ଯାନ୍ତ୍ରିକ ତ୍ରୁଟି ପାଇଁ ହୋଇଛି ବୋଲି କୁହାଯାଉଛି ।
ଏହା ସହିତ ବଡ ଦୁର୍ଘଟଣା ହେବାରୁ ଅଳ୍ପକେ ବର୍ତ୍ତି ଯାଇଛି । କାରଣ ଆକାଶ ମାର୍ଗରେ ବିମାନଟି ଅନିୟନ୍ତ୍ରିତ ହେଉଥିବା ଦେଖି ପାଇଲଟ ଜଣଙ୍କ ଭୟବିତ ନହୋଇ ସାହସର ସହ ବିମାନଟିକୁ ସ୍କୁଲ ପଡିଆରେ ଓହ୍ଲାଇବାକୁ ଚେଷ୍ଟା କରିଥିଲେ ।
