ଅନୁଗୁଳ (ଏଟିଆର ବ୍ୟୁରୋ): ସତରେ ମୃତ୍ୟୁ କେତେବେଳେ ଆସିବ ତାହା କହି ହେବନି । କିଏ ଜାଣିଥିଲା ଘରେ ଶୋଇଥିବା ବେଳେ ବିପଦ ମାଡି ବସିବ । ଭୁଷୁଡି ପଡିବ ପାଚେରୀ । ଏଭଳି ଏକ ଅଭାବଦୀୟ ଘଟଣା ଗତକାଲି ଅନୁଗୁଳ ଜିଲ୍ଲା ଛେଣ୍ଡିପଦା ଥନା ବାଗେଡିଆ ଗାଁରେ ଘଟିଛି । ଏଥିରେ ସ୍ୱାମୀଙ୍କ ସଦାନନ୍ଦଙ୍କର ମୃତ୍ୟୁ ହୋଇଥିବା ବେଳେ ସ୍ତ୍ରୀଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
ସୂଚନାଯୋଗ୍ୟ, ଗତକାଲି ଏହି ଦୁର୍ଘଟଣା ଘଟିଛି । ସଦାନନ୍ଦ ଏବଂ ତାଙ୍କ ସ୍ତ୍ରୀ ଘରେ ଥିବା ବେଳେ ତାଙ୍କ ଘରକୁ ଲାଗି ରହିଥିବା ଅଲମିରା ତିଆରି ଫ୍ୟାକ୍ଟ୍ରିର ପାଚେରୀ ଅଚାନକ୍ ଭୁଶୁଡି ପଡିଥିଲା । ଏଥିରେ ଦୁହେଁ ସ୍ୱାମୀ ସ୍ତ୍ରୀ ଚାପି ହୋଇ ଯାଇଥିଲେ । ଏହାପରେ ଗାଁ ଲୋକ ସେମାନଙ୍କ ଉଦ୍ଧାର କରି ସ୍ଥାନୀୟ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ମାତ୍ର ଡାକ୍ତର ସଦାନନ୍ଦଙ୍କୁ ସେଠାରେ ମୃତ ଘୋଷଣା କରିଥିଲେ ଏବଂ ତାଙ୍କ ସ୍ତ୍ରୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ହେଉଛନ୍ତି ।
