ଢେଙ୍କାନାଳ(ଏଟିଆର ବ୍ୟୁରୋ): ଭାରସାମ୍ୟ ହରାଇ ଏକ ବସ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣାରେ ୧୫ ଜଣ ଯାତ୍ରୀ ଗୁରୁତର ଆହତ ହୋଇଥିବାର ସୂଚନା ମିଳିଛି । ସୂଚନା ଆନୁସାରେ ଆଜି ଅପରାହ୍ନରେ ଶକ୍ତି ନାମକ ଏକ ଘରୋଇ ଯାତ୍ରୀ ବାହୀ ବସ ଢେଙ୍କାନାଳରୁ କାମାକ୍ଷାନଗର ଦେଇ ଭୁବନ ଆସୁଥିଲା । ହେଲେ ବସଟି ଢେଙ୍କାନାଳ ଜିଲ୍ଲା ଭୁବନ ବ୍ଲକ ଏନଏଚ-୫୩ ବାଲି ଝାଟି ଛକ ନିକଟରେ ପହଞ୍ଚିବା ମାତ୍ରେ ବସର ଆଗ ଚକ ବହାରି ଯିବାରୁ ବସଟି ଭାରସାମ୍ୟ ହରାଇ ରାସ୍ତା ରୁ ତଳକୁ ଖସିପଡି ଥିଲା ।
ଫଳରେ ବସରେ ଥିବା ୧୫ଜଣରୁ ଅଧିକ ଯାତ୍ରୀ ଗୁରୁତର ଆହତ ହୋଇପଡିଛନ୍ତି । ଗୁରୁତର ଆହତ ମାନଙ୍କୁ ସ୍ଥାନୀୟ ଲୋକ ମାନେ ଉଦ୍ଧାର କରି ଭୁବନ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଘଟଣା ସ୍ଥଳରୁ ଡ୍ରଇଭର ଫେରାରଥିବାର ଜଣାପଡିଛି । ଭୁବନ ପୋଲିସ ଘଟଣା ସ୍ଥଳରେ ପହଞ୍ଚିଛି ।
