ନବରଙ୍ଗପୁର (ଏଟିଆର ବ୍ୟୁରୋ): ମର୍ମନ୍ତୁଦ ସଡକ ଦୁର୍ଘଟଣା । ଭାରସାମ୍ୟ ହରାଇ ରାସ୍ତା କଡକୁ ଓଲଟିଲା ବସ୍ । ଏଭଳି ଏକ ଦୁର୍ଘଟଣା ନବରଙ୍ଗପୁରରେ ଘଟିଛି । ଏଥିରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ୧୫ ରୁ ଅଧିକ ଯାତ୍ରୀ ଗୁରୁତର ଭାବେ ଆହି ହୋଇଥିବା ଜଣାପଡିଛି ।
ଜେକେ ନାମକ ବସ୍ ଟି ଜୟପୁରରୁ ଚନ୍ଦାହାଣ୍ଡି ଆସୁଥିବା ସମୟରେ ପପଡାହାଣ୍ଡି ଥାନା ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । ଅଚାନକ୍ ବସ୍ ସାମ୍ନାକୁ ଏକ ଗାଈ ଚାଲି ଆସିବାରୁ ଡ୍ରାଇଭର ଜଣକ ସଡର୍ଣ୍ଣ ବ୍ରେକ୍ ମାରିଥିଲେ । ଯାହାଦ୍ୱାରା ବସ୍ ଟି ସିଧା ଭାରସାମ୍ୟ ହରାଇ ରାସ୍ତା କଡକୁ ଓଲଟି ପଡିଥିଲା । ଘଟଣାର ଖବର ପାଇଁ ପୋଲିସ ଏବଂ ଅଗ୍ନିଶମ ବିଭାଗ ଟିମ୍ ଘଟଣାସ୍ଥଳରେ ପହଁଚି ଯାତ୍ରୀଙ୍କୁ ଉଦ୍ଧାର କରି ସ୍ଥାନୀୟ ହସ୍ପିଟାଲରେ ଭର୍ତ୍ତି କରିଛନ୍ତି ।
