କଟକ(ଏଟିଆର ବୁରୋ): କାଠଯୋଡି ନଦୀ ଉପର କିଛି ଦିନ ତଳେ ଦେବବ୍ରତ ମହାପାତ୍ର ଡେଇଁ ଆତ୍ମହତ୍ୟା କରିବା ପାଇଁ ଉଦ୍ୟମ କରିଥିଲେ । ଗତ ୯ତାରିଖ ଦିନ ଦେବବ୍ରତ ତାଙ୍କ ସ୍ତ୍ରୀ ଓ ପୁଅଙ୍କୁ ଧରି କଟକ ଯାଉଥିବା ବେଳେ କାଠଯୋଡି ବ୍ରିଜ ଉପରୁ ଡେଇଁ ପଡିଥିଲେ । ପାରିବାରିକ କଳହରୁ ଦେବବ୍ରତ ଏଭଳି କରିଥିବାର ସନ୍ଦେହ କରାଯାଉଥିଲା । ସେହି ଦିନଠାରୁ ଅଗ୍ନିଶମ ବିଭାଗ, ଓଡ୍ରାଫ ଟିମ ତାଙ୍କୁ ଖୋଜିବାରେ ଲାଗିଥିଲା ।
ହେଲେ ତାଙ୍କୁ ଖୋଜି ପାଇ ପାରି ନଥିଲେ । ତେବେ ଏହି କିଛି ଦିନ ଭିତରେ ଦେବବ୍ରତଙ୍କୁ ନେଇ ବହୁ କଳ୍ପନା ଜଳ୍ପନା କରାଯାଉଥିଲା । ଆଜି ଦେବବ୍ରତଙ୍କ ମୃତ ଦେହ କଟକ ଜିଲ୍ଲାର ଗୋବିନ୍ଦପୁର ଥାନା ଦେବୀ ନଦୀ ରହମ୍ବା ନିକଟରୁ ଉଦ୍ଧାର କରାଯାଇଛି । ଉଦ୍ଧାର ହୋଇଥିବା ମୃତ ଦେହର ପକେଟରୁ ମିଳିଥିବା ଏଟିଏମ କାର୍ଡ, ଗାଡି ରେଜିଷ୍ଟ୍ରେସନ କାର୍ଡରେ ଦେବବ୍ରତଙ୍କ ନାମ ଲେଖାଯାଇଛି ।
