କଟକ (ଏଟିଆର ନିଆଁ); ବିଗ୍ ବଜାରରେ ନିଆଁ । କଟକ ଦରଘା ବଜାର ପୁରୁଣା ଜେଲ ନିକଟସ୍ଥ ନେତାଜୀ ସୁବାଷ ଚନ୍ଦ୍ର ବୋଷ ଆର୍କେଡରେ ଥିବା ବିଗ୍ ବଜାରର ଚତୁର୍ଥ ମହଲାରେ ଥିବା ଡ୍ୟାନ୍ସ ବାରରେ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ ବହୁ ଟଙ୍କାର ସମ୍ପତି ପୋଡି ପାଉଁଶ ହୋଇ ଯାଇଥିବା ଜଣା ପଡିଛି । ନିଆଁକୁ ଆୟତ କରିବା ପାଇଁ ୩ଟି ଦମକଳ ଗାଡି ଯାଇଥିଲା । ଦୀର୍ଘ ସମୟ ପରିଶ୍ରମ ପରେ ଶେଷରେ ନିଆଁକୁ ଆୟତ କରାଯାଇଥିଲା । ନିଆଁ ଲାଗିବାର କାରଣ ଅସ୍ପଷ୍ଟ । ପୋଲିସର ତଦନ୍ତ ଜାରି ।
ମିଳିଥିବା ସୂଚନା ମୁତାବକ ଗତକାଲି ବିଳମ୍ବିତ ରାତିରେ ଘଟିଛି ଏଭଳି ଭୟାବହ ଅଗ୍ନିକାଣ୍ଡ । ନିଆଁ ଲଗିଥିବା କଥା ରାତି ପ୍ରାୟ ୩: ୩୦ ପରେ ଜଣାପଡ଼ିବା ପରେ ବିଗ୍ ବଜାର କର୍ତ୍ତୃପକ୍ଷ ବକ୍ସିବଜାର ଅନ୍ତର୍ଗତ ପୁଲିସ ମୁଖ୍ୟାଳୟରେ ଥିବା ଅଗ୍ନିଶମ ବିଭାଗକୁ ସୂଚନା ଦେଇଥିଲେ। ଦମକଳବାହିନୀ ବିଗ୍ବଜାରର ଅଣଓସାରିଆ ଏକ୍ଜିଟ୍ ପଏଣ୍ଟ୍ କବାଟ ଭାଙ୍ଗି ପ୍ରବେଶ କରିବା ସମୟରେ ସମଗ୍ର ଅଟ୍ଟାଳିକାକୁ ଧୂଆଁ ଆବୃତ କରି ପକାଇଥିଲା। ପ୍ରାୟ ଦେଢ଼ ଘଣ୍ଟା ଉଦ୍ୟମ କରିବା ପରେ ସେମାନେ ନିଆଁ ଲିଭାଇ ଥିଲେ। ଚତୁର୍ଥ ମହଲାରେ ଥିବା ବିଗ୍ବଜାରର ମାଲ୍ପତ୍ର ସବୁ ପୋଡ଼ି ଅଙ୍ଗାର ହୋଇ ଯାଇଛି।ସର୍ଟ ସର୍କିଟି ପାଇଁ ଏହି ଅଗ୍ନିକାଣ୍ଡ ଘଟିଛି ବୋଲି ଅନୁମାନ କରାଯାଇଛି । ତେବେ ତଦନ୍ତ ପରେ ସବୁ ସତ୍ୟ ଜଣା ପଡିବ ବୋଲି ପୋଲିସ ସୂଚନା ଦେଇଛି ।
