ବ୍ରହ୍ମପୁର(ଏଟିଆର ବ୍ୟୁରୋ): ସବୁ କିଛି ଜଳି ପୋଡି ପାଉଁଶ । କେବଳ ଗୋଟେ କି ଦୁଇ ବଖରା ଘର ନୁହେଁ, ପାଖାପାଖି ୩୦ ବଖରା ନିଆଁରେ ଜଳି ପୋଡି ଛାର୍ ହୋଇଯାଇଛି । ଏଭଳି ଏକ ଭୟାବହ ଅଗ୍ନିକାଣ୍ଡ ଗଞ୍ଜାବ ଜିଲ୍ଲା ପୁରୁଷୋତ୍ତମପୁର ଥାନା ସୁନାଥର ଗାଁରେ ଘଟିଛି ।
ଆଜି ସକାଳୁ ସକାଳୁ ଏହି ଅଗ୍ନିକାଣ୍ଡ ଘଟିଛି । ଗାଁରେ ରହୁଥିବା ଜଣେ ବ୍ୟକ୍ତିଙ୍କ ଘର ଅଚାନକ୍ ନିଆଁ ଲାଗିଯାଇଥିଲା । ଚାହୁଁ ଚାହୁଁ ନିଆଁ ଚାରିଆଡକୁ ବ୍ୟାପିଗଲା । କାରଣ ଗାଁରେ ଅଧିକାଂଶ ଚାଳ ଘର ଥିବାରୁ ନିଆଁ ବହୁତ ଶୀଘ୍ର ବ୍ୟାପିଯାଇଥିଲା । ଏହାକୁ ଦେଖି ଗ୍ରାମବାସୀ ଡରିଯାଇଥିଲା ଏବଂ ତୁରନ୍ତ ଅଗ୍ନିଶମ ବିଭାଗକୁ ଖବର ଦେଇଥିଲେ । ଏହାପରେ ଅଗ୍ନିଶମ ବିଭାଗ କର୍ମୀ ଆସି ନିଆଁ ଲିଭାଇଥିଲେ । ମାତ୍ର ଗାଁରେ ଅଚାନକ୍ ନିଆଁ ଲାଗିଲା କେମିତି । ଏନେଇ ପ୍ରଶ୍ନ ଉଠୁଥିଲେ ମଧ୍ୟ ଏହାର ପ୍ରକୃତ କାରଣ ସ୍ପଷ୍ଟ ହୋଇନାହିଁ । ସେପଟେ ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତି ନଷ୍ଟ ହୋଇଥିବା ଅନୁମାନ କରାଯାଉଛି ।
