ସୁରଟ(ଏଟିଆର ବ୍ୟୁରୋ): ପୁଣି ଗୁଜୁରାଟର ସୁରଟରେ ଥିବା ଏକ କପଡା ମାର୍କେଟରେ ଭୟାବହ ଅଗ୍ନିକାଣ୍ଡ ଘଟିଛି । ଆଜି ସକାଳୁ ସୁରଟର ରଘୁବୀର ମାର୍କେଟରେ ନିଆଁ ଲାଗିଯାଇଛି । ନିଆଁକୁ ଆୟତ୍ତ କରିବା ପାଇଁ ୪୦ ଟି ଦମକଳ ଗାଡି ଲାଗିଛି । ସୂଚନା ଅନୁସାରେ ସାରେଳି ଅଞ୍ଚଳରେ ଥିବା ୧୦ ମହଲା ବିଶିଷ୍ଟ କପଡା ମାର୍କେଟ ନିଆଁ ଲାଗିଛି । ୧୦ ମହଲା କୋଠାରେ ନିଆଁ ଦେଖି ଲୋକ ମାନେ ଦମକଳ ବାହୀନିକୁ ଖବର ଦେଇଥିଲେ ।
Gujarat: Fire breaks out in Raghuveer Market in Surat. 40 fire tenders at the spot pic.twitter.com/k0FQRpyFTM
— ANI (@ANI) January 21, 2020
ଖବର ପାଇ ଘଟଣା ସ୍ଥଳରେ ୪୦ ଟି ଦମକଳ ବାହିନୀ ପହଞ୍ଚି ନିଆଁକୁ ଲିଭାଇବା ପାଇଁ ଚେଷ୍ଟା କରୁଛି । ତେବେ ଏହି ଅଗ୍ନିକାଣ୍ଡର କାରଣ ଜଣାପଡିନାହିଁ । ଅନ୍ୟପଟେ ଅଗ୍ନିକାଣ୍ଡରେ କାହାର ପ୍ରାଣ ହାନି ହୋଇନଥିବାର ସୂଚନା ମିଳିଛି । ଲକ୍ଷାଧିକ ଟଙ୍କାର କପଡା ନଷ୍ଟ ହୋଇଛି । କିଛି ଦିନ ପୂର୍ବ ଏହି ମାର୍କେଟର ୯ ମହଲା କୋଠାରେ ଅଗ୍ନିକାଣ୍ଡ ଘଟିଥିଲା ।
