ଭୁବନେଶ୍ୱର,(ଏଟିଆରବ୍ୟୁରୋ): ପୁଣି ଆଉ ଏକ ଟ୍ରେନରେ ଭୟାବହ ଅଗ୍ନିକାଣ୍ଡ । ଟ୍ରାକ ଉପରେ ହୁତୁହୁତୁ ହୋଇ ଜଳିଲା ଟ୍ରେନ । ନୂଆଦିଲ୍ଲୀରୁ ଡିବ୍ରୁଗଡ଼ ମଧ୍ୟରେ ଗଡୁଥିବା ବ୍ରହ୍ମପୁତ୍ର ଟ୍ରେନରେ ଆଜି ଅଚାନକ୍ ନିଆଁ ଲାଗି ଯାଇଛି । ତେବେ ନିଆଁ କିପରି ଲାଗିଲା ତାହା ଜଣାପଡିନଥିବା ବେଳେ ଏଥିରେ ଗୋଟିଏ ବଗି ସମ୍ପୂର୍ଣ୍ଣ ଜଳି ଯାଇଥିବା ସୂଚନା ମିଳିଛି । ସେପଟେ ଟ୍ରାକରେ ଦୌଡୁଥିବା ବେଳେ ଟ୍ରେନଟି ଜଳି ଉଠିବା ଯୋଗୁ ବହୁ ଯାତ୍ରୀ ଭୟଭିତ ହୋଇପଡିଥିଲେ । ଏହି ଅଗ୍ନିକାଣ୍ଡରେ କାହାର କିଛି କ୍ଷତି ହୋଇଛି କି’ ନାହିଁ ତାହାର ସଠିକ୍ ତଥ୍ୟ ଏଯାବତ୍ ହସ୍ତଗତ ହୋଇପାରି ନାହିଁ ।
ମିଳିଥିବା ସୂଚନା ଅନୁଯାୟୀ, ଶନିବାର ସକାଳେ ଡିବ୍ରୁଗଡରୁ ଦିଲ୍ଲୀ ଯାଉଥିବା ବ୍ରହ୍ମପୁତ୍ର ଏକ୍ସପ୍ରେସ୍ ଜମାଲପୁର ଓ କିଉଲ ଜଙ୍କଶନ ଅନ୍ତର୍ଗତ ଦଶରଥପୁର ଏବଂ ଧରହରା ମଧ୍ୟରେ ଥିବା ସାରୋବାଗ ହଲ୍ଟ ନିକଟରେ ଟ୍ରେନ୍ ବଗିରେ ନିଆଁ ଲାଗିଥିଲା। ଟ୍ରେନ୍ରେ ଜେନରେଟର ଥିବା ବଗିରେ ନିଆଁ ଲାଗିଥିଲା। ଏଥିରେ କେହି ମୃତାହତ ହୋଇଥିବା ଜଣାପଡିନାହିଁ । ରେଲ୍ୱେ କର୍ତ୍ତୃପକ୍ଷ ଘଟଣାସ୍ଥଳରେ ପହଞ୍ଚି ନିଆଁ ଲିଭା ଓ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
