କେନ୍ଦୁଝର (ଏଟିଆର ବ୍ୟୁରୋ); ପୋଲ ତଳୁ ମିଳିଲା ଯୁବକଙ୍କ ମୃତ ଦେହ । କେନ୍ଦୁଝର ଜିଲ୍ଲା ନୟାକୋଟ ଥାନା ଗଜପୁର ପୋଲ ତଳୁ ଉଦ୍ଧାର ହୋଇଛି ମୃତ ଦେହ । ମୃତକ ହେଲେ ଗଜପୁର ଗ୍ରାମର ପୁଡା ନାଏକ । ପୋଲିସ ଖବର ପାଇବା ପରେ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି । ପରିବାର ଲୋକ ଖବର ପାଇବା ପରେ ଦୁଃଖରେ ଭାଙ୍ଗି ପଡିଛନ୍ତି ।
ମିଳିଥିବା ସୂଚନା ଅନୁଯାୟୀ,ଗତକାଲି ରାତିରେ ସିଙ୍ଗପୁରରୁ ଘରକୁ ଫେରୁଥିଲେ ପୁଡା ନାଏକ । ସାଇକେଲରେ ଫେରୁଥିବା ବେଳେ ଭାରସାମ୍ୟ ହରାଇ ପୋଲ ତଳକୁ ଖସି ପଡିଥିଲେ ବୋଲି ଶୁଣିବାକୁ ମିଳୁଛି । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି । ପୋଲିସ ଖବର ପାଇବା ପରେ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି ।
ପୁଡା ନାଏକ ଘରକୁ ପରିବା ନେଇ ଆସୁଥିଲେ ବୋଲି ପରିବାର ଲୋକ କହିଛନ୍ତି । ଘଟଣାସ୍ଥଳରେ ମଧ୍ୟ ସେ ନେଇ ଆସୁଥିବା ଦୁଇଟି ପରିବା ଭର୍ତ୍ତି ବ୍ୟାଗ ପଡି ରହିଛି । ସାଇକେଲଟି ସମ୍ପୂର୍ଣ୍ଣ ଭାବରେ ଭାଙ୍ଗି ଯାଇଛି । ଖବର ଶୁଣିବା ପରେ ଗାଁରେ ଶୋକର ଛାୟା ଖେଳି ଯାଇଛି । ଏହି ବ୍ରିଜ ପାଖ ଅଞ୍ଚଳରେ ପୂର୍ବରୁ ବହୁ ଦୁର୍ଘଟଣା ମଧ୍ୟ ଘଟୁଥିବା ସ୍ଥାନୀୟ ଲୋକ କହିଛନ୍ତି ।
