କାମାକ୍ଷାନଗର (ଏଟିଆର ବ୍ୟୁରୋ): ଆଜି ସକାଳୁ ସକାଳୁ କାମାକ୍ଷାନଗର ଥାନା ଅନ୍ତର୍ଗତ ଜଡାପାଳ ଠାରେ ଏକ ମିନି ଟ୍ରକ ଦୁର୍ଘଟଣାଗସ୍ତ ଘଟିଛି । ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ଗୁରୁତର ଭାବେ ଆହତ ହୋଇଛନ୍ତି । ଦୁର୍ଘଟଣାରେ ମୃତ୍ୟୁ ବରଣ କରିଥିବା ବ୍ୟକ୍ତି ଜଣଙ୍କ ହେଉଛନ୍ତି ଗେଙ୍ଗୁଟିଆ ଗ୍ରାମର ସୁରେଶ ମଲ୍ଲିକ (୪୦) ।
ଟ୍ରକଟି ଇଟା ବୋଝେଇ କରି ପଞ୍ଚପୁଟିରୁ ବାହାରି କଙ୍କଡାହାଡ ଯାଉଥିବା ବେଳେ ଏହି ଦୁର୍ଘଟଣା ଘଟିଛି । ଗାଡି ସ୍ପିଡ୍ ଅଧିକ ଥିବା ଯୋଗୁଁ ଡ୍ରାଇଭର ଜଣକ ଭାରସାମ୍ୟ ହରାଇଥିଲେ । ଫଳରେ ଟ୍ରକଟି ରାସ୍ତାରେ ଓଲଟି ପଡିଥିଲା ଏବଂ ରାସ୍ତାରେ ଛିନ୍ ବିନ୍ ହୋଇ ପଡିଥିଲା ଇଟା ସବୁ । ଏଥିରେ ଟ୍ରକରେ ଡ୍ରାଇଭରକୁ ମିଶାଇ ସମୁଦାୟ ୫ ଜଣ ବ୍ୟକ୍ତି ଥିଲେ ସେମାନେ ହେଲେ ଛବି ପରିଡା, ଜିତୁ ମଲ୍ଲିକ,ପରମା ମଲ୍ଲିକ, ସନ୍ତୋଷ ମଲ୍ଲିକ ଏବଂ ସୁରେଶ ମଲ୍ଲିକ । ଘଟଣାସ୍ଥଳରେ ସୁରେଶଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଚାରି ଜଣ ବ୍ୟକ୍ତି ଆହତ ହୋଇଛନ୍ତି । ଆହତମାନଙ୍କ ଚିକିତ୍ସା କରିବା ଲାଗି ପ୍ରଥମେ କାମାକ୍ଷାନଗର ଡାକ୍ତରଖାନା ଏବଂ ପରେ ଅଧିକ ଚିକିତ୍ସା କରିବା ଲାଗି ଢେଙ୍କାନାଳ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।
